Ilinniakkamik naammassinnittartut ikiliartorput
Inuusuttut ilinniarfiini kiisalu ilinniaqqiffinni naammassinnittartut ikileriaateqarput 2017-mi. Ilinniarlutik uniinnartut amerlapput
Naatsorsueqqissaartarfiup kisitsisaatai taama allaqqapput.
2016-mut naleqqiullugu 2017-mi ingerlariaqqiffiusumik ilinniakkami naammassinnittartut amerlassusaat 8 procentinik appariarsimapput.
Ilinniakkamik naammassinnissimasut katillugit 244-upput. Taakkunannga 46 pct.-ii Kalaallit Nunaata avataani naammassinnittuupput.
Nunani allanilu ilinniakkamik naammassinnittut amerlisut , Kalaallit Nunaanni ilinniaqqittut naammassisut ikileriarput.
Ukiumut kingullermut sanilliutissagaanni ingammik 2017-imi ilinniartitsisutut ilinniarsimasut ikileriarsimapput. 2017-imissaaq inunnik isumaginnittutut najukkami ilinnialertoqanngilaq, Naatsorsueqqissaartarfik allappoq.
Ilinniaqqiffinni kisitsisit taama appasitsigipput kingullermik 2011-mi.
703-it naammassinnipput ukioq kingulleq, 2011-milu kingullermik kisitsit taama appasitsigaaq.