ilinniartitaaneq
Ilinniakkami nutaami allagartartaartut siulliit
Ulluunerani meeqqanik sullissinermi ikiortit qulingiluat arfininngormat allagartartaarput
Ulluuneranik meeqqanik sullissinermi ikiortit Perorsaanermik Ilinniarfimmi Ilulissaniittumi juunip 5-ani allagartartaartinneqarput. Taama rektor Nuka Kleemann tusagassiorfinnut nalunaarummi ilisimatitsivoq. Ulluunerani meeqqanik sullissinermi ikiortit ilinniartitaanerat nutaaq siorna oktobarimi aallartippoq. Ilinniartut taamaalillutik ilinniakkami siullersaallutik allagartartaarput. Ilinniagaq nunaqarfinni isorliunerusunilu najugalinnut neqeroorutaavoq. Allagartartaartut Avanersuarmit, Upernavimmit Saattunillu aggersuupput.
Perorsaaneq, psykologi, isumaginninneq inuiaqatigiillu kiisalu Tunngaviit arfineq-marluk ilinniartitsissutigineqarsimapput. Ilinniartut ilinniarnerminni 0-7-inik ukiullit pillugit innuttaasunut assigiinngitsunik aamma sammisassaqartitsisimappput. Taama Nuka Kleemann ilisimatitsivoq.
Qaanaamiit: Maaria Jensen, Inaluk Kristiansen, Naduk Simigaq aamma Inatdliak´ K´ujaukitsok.
Upernavimmiit: Marie Kleemann, Nivi Knudsen, Dorthe Eliassen aamma Margrethe Løvstrøm.
Saattuniit: Hansigne Amossen.
Ilinniartitsisuat tassaavoq Regine M. Ulriksen.