ilinniagaqarneq

Ilinniagaqartunik pitsaanerusumik ilinniagaqartitsissaagut amerlanerusuniinngitsoq, Steen Lynge (A) oqarpoq

Kalaallit Nunaanni ilinniagaqartitsinermi fagitigut piginnaasat qaffassarnissaannut nukiit atorneqartariaqarput, Atassut isumaqarpoq

Steen Lyngep (A) paasisinnaalluarpaa Ilisimatusarfimmi qullersat periutsinik allanngortitilerilerniarmata, ilinniagaqarfinni pitsaassuseq qaffassarniarlugu

Ilisimatusarfiup, universitetip, rektoria Julia Pars Atassutip isumaqatigaa, ataasinngormat partii taamatut nalunaaruteqarpoq.

– Ilimmarfimmi ilinniagaqartitsinermi fagaitigut piginnaasat ullumikkuminngarnit qaffasinnerussapput, Steen Lynge allappoq.

– Atassut aamma isumaqarpoq Kalaallit Nunaanni ilinniarnertuunngorniarfinni taamatut qaffasissumik piumasaqaateqartoqartariaqartoq, tassanimi universitetimi fagitigut piginnaasaqarluarnissamik tunngavissaq pilersinneqartarpoq.

Pitsaassutsip sammineqannginnera akisussaanngitsuliorneruvoq

Politikerip illua'tungiliuttup ilinniagaqartitsinerup pitsaassusissaanut illersorneqarsinnaanngitsutut oqaatigaa sapinngisamik amerlasuunik ilinniagaqartitsiniartoqarmat, ilinniagaqarnerup pitsaassusissaa qulakkeerniarnagu.

– Ajornartorsiutaavoq ilinniarnertuunngorniarfinni universitetimilu ilinniagaqarfinni fagitigut piginnaasat samminiarneqanngimmata, sapinngisamik amerlanerpaanik ilinniagaqartitsinissaq pissutigiinnarlugu, Steen Lynge allappoq.

– Kalaallit Nunaata innuttaasut ilinniarluarsimasut atorfissaqartippai, allanik Kalaallit Nunaata avataani taamatorpiaq ilinniagaqarsimasunik unammillersinnaasut, taamaattumillu ilinniarnertuunngorniarfinni universitetimilu ilinniagaqarfinni fagitigut piginnaasat qaffasinnerunissaat pingaartinneqartariaqarpoq.

Powered by Labrador CMS