aningaasaateqarfik

Ilaquttamik toqukkut qimataasut aningaasaateqarfimmit nutaamit ikiorserneqarsinnaalissasut

Ilerrit angallanneraqarnera ilaqutaasunut aningaasatigut artukkiisinnaasarpoq. Aningaasaateqarfiup nutaap tamanna pillugu ikiorseerusuppoq

Ilerrit angallanneqarnerini aningaasartuutigineqartut taarserneqarnissaat qimagaasunut piumasarineqartarpoq

Ilaqutariit ilaquttamik toqusoqaraangat aningaasatigut artukkerneqarsinnaasarput ilerrit angallanneqaraangata. Peqatigiiffimmik maannakkut sanasoqaqqammerpoq taamaattumik misigisaqartunik ikiuiniarluni.

Taanna Qaqortumi pilersinneqaqqammerpoq ’Illerfiup angallanneqarneranut aningaasaateqarfik’ taaguuteqarluni.

Illoqarfiit soqutiginnittut
- Paasinikuuarput kommunit assigiinngitsunik periuseqartartuusut. Kommunit ilaat ilerrinik angallatitsinerit akilertarpaat, aningaasartuutigineqartulli taarserneqarnissaat piumasaqaatigineqartarluni. Tamanna pissusissamisuunngitsuusoq isumaqarpugut, taamaattumik peqatigiiffimmik ammaavugut, Illerfiup angallanneqarneranut aningaasaateqarfimmi siulittaasoq Frederik Lange Jørgensen Sermitsiaq.AG-imut oqarpoq.

Peqatigiiffik illoqarfinnit allanit aamma soqutigineqartoq siulittaasup oqaatigaa.

- Nuna tamakkerlugu peqatigiiffimmik iluassagaluarpoq, taamaasilluni illoqarfinni allani aamma immikkoortortaqarluni. Ilerrit angallanneqarnerini aningaasartuutinik taarseeqqusinerit kujataani kisimi atuutinngitsoq paasivarput, Frederik Lange Jørgensen oqarpoq.

Powered by Labrador CMS