Ilaqutariit qitiutillugit meeqqat inissaqartillugit
Sapaatiuppat Nuummi Hans Egedep Oqaluffiani ilaqutariinnut naalagiartitsisoqassaaq kingorna nereqatigiinnertalimmik
Palasi Minna Winsløw naalagiartitsisuuvoq, sapaatiummat ualikkut ilaqutariinnut naalagiartitsisoqarmat. Naalagiarneq Hans Egedep Oqaluffiani ingerlanneqarpoq, naalagiarnermilu pisunut meeqqat akulerutsinniarneqarput. Tussiutit immikkut toqqakkat, oqaluttuat meeqqallu sunniivigeqatiginerat atorlugit palasit naalagiarnermi pisut meeqqanut inersimasunullu pissanganartuutinniarpaat.
Ilaqutariinnik naalagiartitsineq suliniutaavoq nutaaq, takutinniarlugu oqaluffik kikkunnut tamanut karersuuttarfiusoq. Manna suliniutit nutaat arlallit ilagiinnarpaat siunissami qaninnerpaami ingerlanneqartussat, oqaluffik kajungernarnerulersinniarlugu.
– Ilaqutariinnik naalagiartitsinerit nuannareqaakka. Meeqqat naalagiarnermi pisunut peqataatinneqarnermikkut nuannaartarnerat nalissaqanngilaq. Kristumiussuseq pinnguarluni ilinniarneqarpoq naleqartitallu pitsaasut peqqinnartullu oqaluffimmi ilinniarneqarput.
Taamatut oqarpoq palasi Minna Winsløw, taassumalu ilaqutariit tamaasa sapaammi nalunaaqutaq 12.00 ilaqutariinnut naalagiartitsinermi peqataarusuttut tikilluaqqunissaat qilanaaraa. Inuit kajumissaarneqarput naalagiarnerup kingorna nereqatigiinnissamut nerisassaminernik nassaqqullugit.
Neriuutigineqarpoq naalagiartitsineq ima soqutigineqartigissasoq akuttunngitsumik ilaqutariinnik naalagiartitsisarnissanut peqataarusuttut naammattassallutik.
Ilagiinnut pingaaruteqarpoq inuiaqatigiinni tunngavittut ilaanissaq. Taamaattumillu aamma pingaaruteqarpoq ilagiit piffissamut malinnaanissaat oqaluffimmilu misigisartakkat allaanerusut ammaallugit.
Ilaqutariinnik naalagiartitsineq pissaaq sapaammi juunip 23-anni Hans Egedep Oqaluffiani nalunaaqutaq 12.00, naalagiarnerlu qallunaatut ingerlanneqassaaq.