Nuugaatsiaq

Ilaqutariit Nuugaatsiameersut tassaarsuaqarneranik misigisalikkersaassapput

Oktobarip 7-anni 'Nuugaatsiamut unnussiuaarneq' – Nuummi GUX-ip inersuaani.

Nuugaatsiami tassaarsuaqarmat Nuugaatsiarmiunut misigisat qanoq ippat?

Ilaqutariit Møller Jerimiassen – Marna aamma Mikkel, qitornaallu marluk Arina aamma Jonas, Nuugaataameersut eqqorneqartunut ilaapput. Maanna inuunerup Nuugaatsiarmiunut nalinginnanngoriartoqqilernerani ilaqutariit Møller Jerimiassenikkut Uummannaq qimalaarlugu Nuummut qasuersaariartornissaat iluatsillugu, nammineq kajumissutsiminnik suleqataasut aaqqissuussaannik.

Tamatumunnga atatillugu kajumissutsiminnik aaqqissuussisut Nuummi 7. oktober unnukkut nal. 20.00 – 21.00 Nuugaattaamut unnussiuaartoqassaaq, GU-p Aulani ingerlanneqartussami.

Tassani Marna, Mikkili, Arina Jonasilu oqaluttuartinneqassapput 17. junimi tassaarsuaqarnerani misigisimasaminnik, Juaaka Lyberth oqaluttuartitsisoralugu.

Aliikkusersuisoqassaartaaq najagiit Falks-Petersenikkut aamma erinarsoqatigiit Qissiat, kiisalu ”Juaaka kvartet” aliikkusersuisoralugit.

Iserneq 50 koruuneqassaaq. Aningaasat isertinneqarumaartut Røde Korsip Uummannami immikkoortortarilerumaagaanut tunniunneqassapput.

Aaqqissuussinermi ikiuuttut tamarmik akissarsissutiginagu peqataassapput, GU-lu inersuani akeqanngitsumik atukkiuppaa. Isissutissat GU- aulani isilernermi pisiarineqarsinnaassapput.

Powered by Labrador CMS