SIK-p aningaasaateqarfia
Ilaqutariit 403-t akiliutsillutik angalassapput
Ilaqutariit 403-t maani Nunatsinni imaluunniit Danmarkimut akiliutsillutik angalanissaminnut qilanaalereersinnaapput.
SIK-p Sulinngiffeqarluni Angalanermut Aningaasaateqarfiata 2018-imi sulinngiffeqarluni angalanissanut 8,2 millionit koruunit aningaasaliissutigai.
Akiliinani
Tamanna tunuliaqutigalugu ilaqutariit 403-t makinneqarsimapput, taakku akiliinatik pitsaasumik misigisaqarsinnaapput.
Sulinngiffeqarluni Angalanermut Aningaasaateqarfimmut qinnuteqarsimasut tamarmik akissutisiassaat sapaatip-akunnerani uani allakkerisarfikkut nassiussorneqassasut, aningaasaateqarfik ilisimatitsivoq.
2018-imi angalanissanik makitsisuupput Nuummi sulisut sinniisaat sisamat ukuusut: Simon Christiansen, Louise Kordon, Jens Kristian Kâjangmat aamma Antoinette Davidsen, tusagassiuutinut nalunaarummi atuarneqarsinnaavoq.
Makitsineq nakkutigineqartoq
Sermersuup Eqqartuussiviani eqqartuussisunngorniaq Pia Hjort Andersen makitsinermi nakkutilliisutut najuuppoq.