Wednesday, December 6, 2017 - 14:47

Ilaqutariinni alianartumik pisoqarnera malittarisassanit eqqornerlugaasoq

Vilhelm Joelsen alianartumik tunuliaquteqarluni malittarisassanit eqqornerlunneqarpoq.
Assi.: Leiff Josefsen
Vilhelm Joelsen ukiuni ukiualunni panini kræftimik nappaateqartoq Danmarkimi paarisariaqarsimagamiuk, kilisaammi sulisinnaatitaanngilaq. Ukiuni marlunni najugaqarsimanissamut malittarisassat naammassinnginnamigit.

Ilaqutariinni alianartumik pisoqarnera Vilhelm Joelsenip inuuneranut annertuumik sunniuteqarsimavoq, panini kræftimik nappaateqartoq tapersersorniarlugu Danmarkimut nuuttariaqarsimagami.

Malittarisassanit eqqornerlugaasoq
Maanna utersimalerluni malittarisassanik aporfeqarpoq, tamatuma suliffimmut nuannarinerpaasaanut utersinnaajunnaartippaa: kilisaammi inuunermut.

- Ukiut 20-it aalisartuunikuuvunga ukiullu aqqaneq marluk tunisassiornermi formandiunikuullunga. Kilisaammi inuttaaneq misilittagaqarfigilluarpara suliffillu taanna anorersuartumi aamma suliffiusarami misilittagaqartunik sulisoqarnissaq pisariaqarpoq, Vilhelm Joelsen oqaluttuarpoq.

Kilisaammi sulisinnaaniaraanni ukiuni marlunni Nunatsinni najugaqarsimanissaq piumasaqaataavoq. Malittarisassaq Vilhelm Joelsenip panini kræfterluni napparsimasoq ilagisariaqarsimagamiuk tamanna naammassisinnaanngilaa.

- Napparsimasoqarnera allatigulluunniit pisoqarneratigut Nunatta avataani najugaqartariaqartarneq inatsisini eqqummaffigineqartariaqarpoq kilisaatini inuttaqarnermut malittarisassani, Vilhelm Joelsen isumaqarpoq, taassuma pisup imminut tatigineranut sunniuteqartoq nassuiaavoq.

Akunnermusiaqarluni sulineq
Taanna Nuummi angerlarsimaffeqanngitsut najugaqarfigigallagaanni akunnermusialittut suligallartariaqarpoq.

Vilhelm Joelsen pillugu oqaluttuaq alianartoq pillugu atuaruk, taanna panimi eqqaaniinniarluni Københavnimi angerlarsimaffeqanngitsutut inuusariaqarsimavoq. Aviisimut AG-mut uani linki atorlugu isissutissarsigit:

Læs også

savalimmiunit aalisarnermik aaqqissuusseqqinneq
Seneste nyheder / Nutaarsiassat kingulliit