inatsisissatut siunnersuut
Ilanngaatitseriaaseq akerlerineqartoq taamaatinneqartoq
Ilanngaassivik, innuttaasut pisortanut akiitsuisa ikilisarneqarnissaanik, Inatsissatut siunnersuut akerlerineqaqisoq, ukioq manna aappaaniluunniit saqqummiunneqassanngilaq.
Aningaasaqarnermut Akileraartarnermut Naalakkersuisoq Aqqaluaq B. Egede tusagassiuutinut nalunaarummi paasissutissiivoq.
Periuseq iluarineqanngitsoq
Akissarsiat tunniunneqannginneqannginneri pisortanit ilanngarneqaqqaartarnissaat inatsisissatut siunnersuutigineqassamaaraluarpoq. Periuseq ilaatigut Sulisitsisut Peqatigiiffianit sakkortuumik isorineqarpoq, taakkumi isumaqarput taama iliornikkut pisortanut akiitsut annikilligaarnavianngitsut. IT-mulli professorip periusissaq ajorluinnartumik kinguneqarsinnaasoq aamma aarleqqutigisimavaa.
Ukioq kingulleq pisortanut akiitsut 830 millioni koruuniusimapput. Ukioq mannalu akiitsut 935 millioni koruuninut qaffariarsimallutit.
Akiliisitseriaatsillu Ilanngaassiviup taamaatinneqarneranut Aqqaluaq B. Egede tunngavilersuivoq:
- Naalakkersuisut isumaqarput, Ilanngaassivik pillugu inatsisissatut siunnersuutip piareersarneqarnerani ilaatigut IT-kkut piumasaqaatit kiisalu suleriaasissat erseqqinnerusumik paasiniarneqaqqaarnissaat utaqqineqaqqaassasoq, tamakku akiliisitseriaatsip aallartinneraniilli siunertarisatut ingerlanissaanik qulakkeerinninnissamut pisariaqarput. Naalakkersuisuttaaq isumaqarput, Ilanngaassivik pillugu inatsisissatut siunnersuutip saqqummiunneqannginnerani sivisunerusumik sukumiinerusumillu paasisitsiniaasoqarnissaa pisariaqartoq.
Andre tiltag overvejes
Først i løbet af 2018 vil Naalakkersuisut tage stilling til, hvornår et eventuelt inddrivelsessystem skal fremlægges i Inatsisartut.
- Taamanikkornissaanullu pisortanut akiitsut naapertuutinngitsumik amerlasuut annikillisarnissaat pillugit suliniutinik allanik Naalakkersuisut isumaliutersuuteqarlutillu periarfissaappat atuutilersitsisassapput, Aningaasaqarnermut Akileraartarnermullu Naalakkersuisoq paasissutissiivoq.