Oqaluffik
Ilagiit sinniisaata suliniutaat angusaqarfiunngillat
Kalaallit Danmarkimi ilagiit sinniiseqarnissaat suli attanneqarusuppoq
Ukiuni kingullerni suliniutit iluatsittarsimanngillat naak politikerinut oqartussanullu saaffiginnissuteqartarsimagaluarlutik, Peqatigiiffik Kalaallit ilagiit Danmarkimi taama paasissutissiivoq.
Pilersaarutit inissinneqarput
Peqatigiiffik Kalaallit Illuanni Københavnimiittumi ataatsimeersuaqqammerpoq tassanilu siulersuisut nutaat qinerneqarlutik siunissamilu suliniutissat inissinneqarlutik.
- Amerlaqaagut oqaatsivut atorlugit naalagiarsinnaanermut periarfissaqarusuttut, tarnikkut anniaatinik ikiorneqarnissamut, katitinneqarnissamut, ilisinernut allarpassuillu palasit suliarisartagaannut atorfissaqartitsisut, misissugassallu ilagaat qanoq ililluni palasissaaleqinerup nalaani kalaallinik maani najugaqalernikunik palasimut ikiortissatut ilinniartitsisinnaaneq.
Siulersuisunut ilaasortat nutaat
- Henriette Berthelsen, siulittaasoq
- Charlotte Nebel Pedersen, siulittaasup tullia
- Bitha Metelmann, aningaaserisoq
- Helga Maqi Nielsen, allatsi
- Sofie Larsen, siulersuisunut ilaasortaq