Ikuallattoqarnerani ajunaartoqareernerata kingorna atoqqaartitsineq kinguartinneqarpoq

Nuummi Nikolaj Rosingip Aqqutaani ataasinngormat ikuallattoqarnerani ajunaartoqareersoq, Ippiarsummi immikkoortortaqarfimmik atoqqaartitsinissaagaluaq kinguartinneqarpoq. Tamanna Kommuneqarfik Sermersuumi aalajangerneqarpoq. Atoqqaartitsineq marlunngornermi ingerlanneqartussaagaluarpoq.

Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ataatsimiititami siulittaasoq Malene Lynge ilisimatitsivoq.

Ajunaartoq ataqqineqarpoq
Ippiarsummi immikkoortoqartaqarfinnik marlunnik atoqqaartitsinissaagaluaq kinguartinneqarpoq ataasinngormat ikuallattoqarneranik ajunaartoq ataqqiniarlugu.

Ukiut arlaqartut sanaartorneq ingerlareersoq, Ippiarsummi sullitanut aqqaneq-marlunnut inissalimmik kiisalu aqqaneq-marlunnut inissalimmik, innuttaasunut timimikkut innarluutilinnut inuusunnerusunut nutaarluinnarmik pilersitsisoqarpoq.

Utoqqaat najugaqarfianni ikuallattoqarmat inuk ataaseq ajunaarpoq ataasinngormat.

Sermersuumi politiit uppernarsarpaat inuit qulit najugaqarfiup eqqaaniittut, politiit marluk portørilu ataaseq napparsimmaviliaanneqarsimasut putsumik iiorasimasinnaanerat peqqutigalugu.

Sooq ikuallattoqalersimanersoq suli ilisimaneqanngilaq.