Thursday, November 2, 2017 - 07:14

Ikioqquneq: Qitornakka qaassigit!

Sara Mina Martinsen ukiuni tallimani peqqissartut illuanni Københavnimiippoq.
Assi.: K. Ole Olsen
Sara Mina Martinsen ukiuni tallimani napparsimanini pissutigalugu qitornani qimaqqavai. Maanna – AG aqqutigalugu – Qaasuitsup Kommunia nukingisaarpaa

Tartuluttoq Sara Mina Martinsen nammineq piumassuserinngisaraluaminik Danmarkimi ukiuni tallimani najugaqarpoq sulilu tartulertinnissaminut utaqqilluni.

Arnaavoq misillerfeqartasimaqisoq. Sara Mina Martinsen kisimiittuuvoq tallimanik qitornartoq angajulliillu pingasut namminiilereerput. Paninili 15-nik ukiulik aammalu qitornani 20-nik ukiulik eqqarsartaatsimigut innarluutilik ukiut tallimat qimassimavai nappaatini pissutigalugu.

Aviisi AG uani sapaatip-akunnerani allappoq.

Qaasuitsumit akissuteqaammik utaqqisoq
Qitornami angutaat ajunaarnikkut ukiualuit matuma siorna annaagamiuk maanna qitornaminut suli angerlarsimasunut kisimi pilersuisuuvoq.

- Qitornakka eqqanniitikkusukkaluarpakka. Ajoraluartumik angajoqqaarsiaqarneq pitsaanngitsumik misilittagaqarfigaarput taamaattumillu maanna qitornakka marluk anaanani najugaqarput. Maannali taanna 70-it sinnerlugit ukioqarpoq tigummiinnarnissaannut nukissakilliorluni, Sara Mina Martinsen oqarpoq, meeqqamilu Danmarkimiilernissaat pillugu Qaasuitsup Kommunianut saaffiginnissumminut akineqarnissamut suli utaqqilluni.

Tartuluttunngorsimalluni 2012-mi paasivaa. Nappaataa ima malunniutsigisimavoq allaat ilisimajunnaartalersimalluni.

Allaaserisaq tamaat AG-mi uani sapaatip-akunneraneersumi atuaruk. Aviisi uani pisiariuk:

Seneste nyheder / Nutaarsiassat kingulliit