Skip to main content

Ikinngutigiinnerpaat kiagoqatigiittut

Maraton, ACR, pisuttuaqatigiinnerit. 50-inik ukioqalereeraluarlutik Sisimiuni ikinngutigiit pingasut Nukánguak’, Unnga aamma Lis, peqatigiillutik qasujaallisartarput – sulilu sakkortuallaartoqanngilaq.

Arpaqatigiikkaangamik Nukánguak’ sukkanerpaasarpoq. Unnga sisoraraangamik sukkanerpaasarpoq. Lissili qasujaannerpaajuvoq.

Nukánguak’ Olsen (53) Unnga Kleist Balle (55) aamma Lis Pedersen Lennert (57) sunngiffimmik ilarujussuani timigissaqatigiittarput. Marloriarlutik Sisimiuniit Kangerlussuarmut pisussimapput. Aamma sisoraatit, qamuteralaat qimussillu atorlugit angalaarfigisimavaat. Arctic Circle Racemi arlaleriarlutik peqataasimapput, ukiunilu kingullerni arlaleriarlutik nunani allani maratonertarlutik.

Arnat pingasut tamarmik peqqissaasuusut Sisimiut Peqqissaaviani imminnut ilisarisimalerput. Unnga ernisussiornermi ikiortaavoq, Lis uninngasunut immikkoortortami ikiortaavoq siulleq Nukánguarlu peqqissaasuni ningiuulluni.

Kingorna arlaleriaqalutik arpannerni, angalaarnerni misigisassarsiornernilu peqatigiittarput. Unnga arfineq pingasoriarluni ACR-imi aallaqataasimavoq, Lis tallimariarluni Nukánguarlu marloriarluni. Uitik apereqqaarnagit misigisassarsiornissaminnut aalajangertarput.

- Uima qinngasaalaartarpaanga: Apereqqaassannginnavit?, Nukannguup nassuerutigaa.

Qujanartumilli angerlarsimaffimminniit tapersersorneqarluartarput. Ilami ima tapersersorneqartigipput Lis Unngalu 2011-mi Sisimiuniit Kangerlussuarmut sisoraatinik angalammata uiisa qamuteralallutik illuaqqat ullut tamaasa kiassariartortarpaat apullu imissaat aatsereertarlugu.

- Angalaneq taanna iluatannarneroqaaq, Unnga oqarpoq.

2015-imi Lis Nukánguarlu New Yorkimi maratonerput, ukiup tulliani Berlinimi siornalu pingasuullutik Londonimi maratonip affaanik arpapput.

- Kinami qammarsuarmi maratonernissamut pilersaarutivut taamaateqqammerpavut seeqqunnik ajornartorsiuteqalerama. Neriuppugulli seeqqora iluarsiumaartoq, aappaagumi taamaaliulersaarpugut, Lis oqaluttuarpoq.

Arnat taakkua pingasut pillugit atuagassiami allaaserisaq tamaat ugguuna atuagassiaq pisiaralugu atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER