Ikinnerussuteqarluni Naalakkersuisooqatigiittoqarnera periarfissanik pilersitsisoq Suleqatigiissitsisut isumaqarput
Taamaattoq politikkikkut ataqatigiinngitsumik ingerlatsisoqalersinnaanissaa ernummatigineqarpoq
Ikinnerussuteqarluni Naalakkersuisooqatigiittoqalernissaa Partii Naleqqamit IA-miillu isornartorsiorneqartoq Sulisitsisunit allatat isigineqarpoq.
- Taamatut ingerlatsisoqalernissaa patajaatsuussagunanngilaq, Tillie Martinussen oqarpoq.
- Kisianni partiinut ilinniutaalluarsinnaavoq, tassani siammasissumik isumaqatigiissusiortoqartalernissaa periarfissiivoq, oqarpoq.
Politikkikkut suliassat ataasiakkaarlugit Naalakkersuisooqatigiit partiinik allanik isumaqatiginninniartariaqartassapput. Partiit anguniagaat ersarinnerulissasoq Tillie Martinussen isumaqarpoq.
- Kisianni taamaattoq patajaassuseqartoqassanngilaq. Qinersisartunut aamma tutsuiginassanngilaq, tassami qinersisoqariataarnissaa eqqarsaatigiuarneqassammat, oqarpoq.