Saqqummersitsineq
Ikiligaanermit eqqumiitsuliat
Gukki Nukap saqqummersitsinera 'Tarnip Qupineri'-nik taaguutilik Sisimiuni takuniarneqarsinnanngussaaq. Eqqumiitsuliortup suliani pillugit meeraanermini atornerlugaasimanerminit aallaaveqartut pingasunngorpat oqaluttuarissavai. 'Kingusinaartoqanngisaannartoq' oqariartuutigissallugu.
Gukki Nuka Uummannami inunngorpoq meeraaninilu tamaat avannaani najugaqarluni. !4-nik ukioqarluni sungiusaasuminit atornerlunneqarsimavoq. Tarnikkut timikkullu atornerlunneqartarnera aqqanilinnik ukioqarlunilu aallartissimavoq.
Ukiut 30-t qaangiummata sapiiserluni eqqumiitsuliornikkut taalliornikkullu misigisarsimasani 'Tarnip Qupineri'-nik atserlugu siullerpaamik sassarpoq.
Nariuuteqalersitserusuppoq
Saqqummersitsineq Nuummi eqqumiitsulianik katersugaasivimmi siullermeerluni siorne septembarip qaammataani takutinneqarpoq. Maannalu Sisimiuni Taseralimmi saqqummersinneqarluni.
- Oqimaatsut anigorneqarsinnaasut, nukittunerulersitsisinnaasut qaangerneqarsinnaasullu sulianni ersersikkusuppara, Gukki Nuka Willsen Møller Taseraliup tusagassiuutinut nalunaarutaani oqarpoq.
Eqqumiitsuliortoq naapiguk
*Tarnip Qupineri' eqqumiitsuliortup nammineri timini kiinnanilu atorlugit suliarisimavai. Taamaalionermini meeraalluni misigisimasani oqimaatsup artornartullu suliarisimavai.
- Neriuppunga allat uattulli misigisaqarsimasut ikiortissarsiornissaannik aqqutissiueqataallunga, taamaaliornissamummi kingusinaartoqarsinnaanngisaannarpoq, Gukki Nuka oqarpoq.
Eqqumiitsuliat mobiilimit suliaapput.
Eqqumiitsuliortoq Taseralimm suliani pillugit pingasunngorpat nalunaaqutaq arfineq-marlunut oqalugiassaaq.
Saqqummersitsinerlu sisamanngorpat februaarip ulluisa qulingiluaanni nalunaaqutaq sisamap qeqqanut ammaanersiorneqassaluni.