Polar Nanoq
Ikiaroornartumik anngiortumik eqqusseriaraluartutut pasineqarunnaartoq
Inuttaq ikiaroornartumik anngiortumik eqqusseriaraluartutut tallimanngormat paarnaarunneqartoq iperagaavoq.
Nalunaaqutaq aqqanermut paasissutisaanik nutaanik pisoqarmat pineqartorlu pasineqarunnaarsimasoq paasinarsimmat allaaserisaq nutarterneqarpoq
Polar Nanumi inuttaq iperagaasimasoq nutaarsiassaqartitsivik Mbl.is ullumi allaaserisaqarpoq.
Angut ikiaroornartumik 20 kiilunik oqimaassusilinnik anngiortumik eqqusseriaraluartoq pineqarpoq.
Pineqartoq tallimanngormalli iperagaasimasoq Visir.is-ip uppernarsarpaa.
Paarnaarunneqaraluartoq ikiaroornartumik eqqusseriaraluarnermut attuumassuteqarsimanngitsoq politiinit ingerlaannaq paasineqarsimasoq misissuinermi aqutsisup Grímur Grímsson visir.is-imut oqaatigaa.
Arnap 20-nik ukiullip Birna Brjánsdóttirip periareerunneqarneranut atatillugu kilisaammi misissuisoqarmat ikiaroornartoq nassaarineqarpoq.
Suliat taakku marluk imminut attuumassuteqanngitsut politiinit isumaqarput.