ikiaroornartoq
Ikiaroornartumik annertuumik eqqussuisut paasisaasut
Inuit sisamat politiinit tigusarineqarput ikiaroornartumik annertuumik anngiortumik eqquisimasutut pasineqarlutik
Inuk ataaseq Danmarkimi allallu pingasut Nuummi politiinit tigusarineqarput ikiaroornartumik annertuumik anngiortumik eqqussuisimasutut pasineqarlutik. Politiit paasiniaanerat suli ingerlavoq taamaammat ikiaroornartoq qanoq annertutigisoq pineqarnersoq maannakkut oqaatigisinnaanngikkallarpaat.
Februaarip qulingat inuit pingasut Nuummi allalu ataaseq Danmarkimi politiinit tigusarineqarput.
- Uppernarsarsinnaavarput inuunnik tigusarinnittoqartoq taakkulu matoqqasumik eqqartuussivimmi killisiorneqarsimapput. Inuit pingasut Nuummi sassartinneqarput ataaserlu Danmarkimi sassartinneqarluni, politimestereqarfimmi unnerluussisuuneq Lars Kirkegaard Sermitsiaq.AG-mut oqarpoq.
Paasiniaaneq suli ingerlammat politiit oqaatigisinnaanngikkallarpaat ikiaroornartoq qanoq annertutigisoq anngiortumik eqqunneqarsimanersoq.
- Kisianni uppernarsarsinnaavara ikiaroornartoq annertooq pineqartoq, Lars Kirkegaard oqarpoq.