Nuuk
Ikiaroornartulerisut pillugit suliami arlallit tigusarineqartut
Marlunngornermi unnuakkut inuit aqqanillit Nuummi aamma Danmarkimi politiit annertuumik suliaqarneranni ikiaroornartunik tuniniaasartuusorineqartut tigusarineqarput. Politiit tigusarinneqqinnissartik naatsorsuutigaat.
Ikiaroornartulerisut pillugit sivisuumik misissuineq tunuliaqutigalugu Nuummi politiit, ataasinngornermi unnukkut aamma marlunngornerup unnuaani Nuummi aamma Danmarkimi tigusarinnipput.
- Tamatumunnga atatillugu inuit aqqanillit tigusarineqarput, arlalinnilu misissueqqissaartoqarpoq, politiit tusagassiuutinut nalunaarummi allapput.
Politiit aallaasilisartut arlaallit ataasinngornermi unnukkut akunnerni arlalinni annertuumik suliaqarput, tamanna Qassuserfiup tungaani aqqusinernik assersuinernik kinguneqartitsivoq.
Politiit ullumi marlunngornermi amerlanerusut tigusarineqarnissaat aamma naatsorsuutigaat.
Aamma atuaruk: Nuummi politiit annertuumik suliaqartut - assersuisoqarunnaarpoq
- Ullumi kingusinnerusukkut suliami tigusarineqartut, tigummigallarneqarnissaannik qinnuteqarluni Nuummi Eqqartuussivimmi sassartinneqarnissaat naatsorsuutigineqarpoq, politiit taama oqarput.
Nuummi Eqqartuussivimmi sassartitsineq matoqqasumik pinissaa naatsorsuutigineqarpoq, taamaattumillu Nuummi Politiit suliaq pillugu oqaaseqaqqissinnaanngikkallarput.