Icelandair ingerlatseqatigiiffinnit akikitsunit tatisimaneqartoq

Icelandair naatsorsuutigisaminit annikinnerusumik sinneqartooruteqarpoq. Atlantiku qulaallugu timmisartuussinermi unamilleqatigiittoqarnerunerani bilitsit akikinnerullutillu tunineqartut ikinnerupput. Check-Ind.dk taama allaaserisaqarpoq.

Europap aamma Amerikap avannarliup akornanni ilaasunut nutaarsiassatsialaavoq, kisianni Icelandairimi aktiaatilinnut nutaarsiassatsialaavallaanngilaq.

Islandimiut timmisartortitseqatigiiffiat Europap aamma Amerikap avannarliup akornanni timmisartuussinermi unammilleqatigiinnerup annertusineriani annertuumik tatisimaneqarpoq, tassani ingerlatseqatigiiffiit akikitsut, soorlu Norwegian aamma WOW air angalaffinnik ammaasaqattaarput. Check-Ind.dk taama allaaserisaqarpoq.

Unammilleqatigiinnerulernermi bilitsit akii apparput.

Tamatuma saniatigut Icelandair sapaatip-akunnerani kingullerni annertuumik timmisartuussinissamut pilersaarutinik ajornartorsiuteqarsimavoq, timmisartut nutaat atulerneqarnissaannut kinguaattoorneq, silarluttarnera aamma allat ajoqutaasut pissutigalugit.

Tamanna tunuliaqutigalugu Icelandairip maanna 2018-imi angusat malunnaatilimmik appartippai. Ingerlatseqatigiiffik maanna 120-140 millionit dollarinik iluanaaruteqassalluni naatsorsuuteqarpoq. Kvartalip siulliup kingorna naatsorsuutit 170-190 millionit dollariusimagaluarput. Tamanna 30-60 millionit dollarinik appariarneruvoq, imaluunniit 190-380 millionit koruuninik.

Powered by Labrador CMS