aatsitassat
Ice Cold Gems: Tugtupit ilimanaateqalersinnaavoq
Ujarak pinnersaasiassaq Tugtupit nunarsuarmi tuniniaavinni maannakkorpiaq apersuutigineqarpianngilaq, immaqali tamanna allanngorsinnaavoq
Ice Cold Gems, kalaallit aatsitassarsioqatigiiffeeraat, nunarsuarmi tuniniaavimmut iserniarsarivoq ujarak pinnersaasiassaq Tugtupit nittarsaallugu.
Ice Cold Gemsimik piginnittup Ilannguaq L. Olsenip, ullut marluk tulleriisiinnarlugit assiliisulerluni ujaqqamik Tugtupitsimik Kuannersuarneersumik pinnersaasiat assiliortorpai.
Pilerigineqalersinnaavoq
Assit ujaqqamik pinnersaasiassamik Tugtupit-imik, The Gem Guide aqqutigalugu nittarsaanermut atorneqassapput, taannalu ujaqqanut pinnersaasiassanut website-mi akiutigut nittarsaassinikkullu nunarsuarmi annersaavoq.
Tugtupit rubinitut, smaragditut safiritullu nunarsuarmi piumaneqartiginngikkaluartoq Ilannguaq L. Olsen naliliivoq taanna pilerigitinneqalersinnaasoq.
Neqeroorut itigartippaat
– Isumaqarpugut Tugtupit piiarlugu, suliaralugu kingornalu nunarsuarmi tuniniaavimmi tuniniarlugu ilimanaateqarluarsinnaasoq, Ilannguaq L. Olsen Sermitsiamut oqarpoq.
Tugtupit-imik pinnersaasiaq assimi takuneqarsinnaaso, 1,22 karatilik, amerikarmiup 3500 dollarsilerlugu, tassa 22.0000 koruunilerlugu, pisiariniarlugu amerikarmiu neqeroorsimagaluarpoq, Ilannguulli ilaasallu qujarutiinnarsimavaat.
Oqaluttuaq tamaat Sermitsiami sapaatip akunnerani saqqummersumi atuaruk. Aviisi ataani linki atorlugu pisiarisinnaavat