kulturi
ICC Qaqortumi tikilluaqquneqarpoq
Inuit issittormiut siunnersuisoqatigiiffiata ICC-p siulersuisuuneri uani sapaatip-akunnerata naanerani Qaqortumi ataatsimeersuassapput
Aggustip 26-anit ullualunnilu aggersuni ICC siulersuunerit nunanit tamalaaneersut Qaqortumi katersuupput.
Ataatsimiinnermi ilaatigut Naalagaaffiit Peqatigiinni Issittumilu Siunnersuisoqatigiinni suliat nalilersorneqassapput.
Programmimut pilersaarusiorneq
Siulersuisunut ilaasortat Alaskameersut, Canadameersut, nunatsinneersut Tjukotkameersullu eqqartugassaasa ilagaat, nunat tamalaat akornanni suliat saniasigut, naggueqatigiit Inuit aningaasaqarnikkut, ilinniartitaanikkut minnerunngitsumillu pisuussutinik uumassusilinnik atuinerat aqutsinerallu pillugit ataatsimeersuarnissanik piareersaanissaq.
Ataatsimiinnerup ammarneqarnerani Kommune Kujallermi borgmesteri Jærgen Wæver Johansen tikilluaqqusissaaq.
Atuaruk: ICC-mi siulersuisut nutaaat - suliniutillu nutaat
Atuaruk: Atuakkiortoq ICC-mi pisortaaninngortoq
ICC-p Kalaallit Nunaani siulittaasuata Hjalmar Dahlip ilanngullugu nalunaarutigaa ICC-p siulersuisuisuunerisa Qaqortumiinnerat iluatsillugu Kommune Kujallermi aqutsisut aamma paasissutissiissapput, pingaartumik Kommunip ineriartornermi anguniagai minnerunngitsumillu aatsitassarsiornermut tunngasut pillugit.
Qaqortumut tikeraarneq naggaserlugu Upernaviarsuk savaateqarteqarfillu Kangerluarsorujoq tikeraarneqassapput.
Qaqortoq pillugu allaaserisat tamaasa uani takukkit