aatsitassat
ICC nalunaarusiamik uranimut isornartorsiusumik nutaamik saqqummissivoq
Inuit Issittormiut Siunnersuisoqatigiiffiat ICC, tusagassiorfinnik katersortitsinermi Kuannersuarni suliniummik ingerlatsinermi nalunaarusiamik isornartorsiuisumik saqqummiusseqqilerpoq
Marlunngornermi ullaap tungaani Inuit Issittormiut Siunnersuisoqatigiiffiat Kalaallit Nunaat tusagassiortunik katersortitsinissamut qaaqqusivoq, tassani nalunaarusiaq saqqummiunneqassaaq, Narsap eqqaani piiaaffimmik pilersaarummut tunngatillugu innuttaasunik peqataatitsineq pillugu oqallitsitsilernissaq neriuutigineqarpoq.
Nalunaarusiaq taaguuteqarpoq 'Ajorpoq’ – vi får ingen svar', taannalu tamanut saqqummiunneqassaaq, ICC-ip nittartagaani aamma takuneqarsinnaassalluni.
Pitsaanerulertoqarnissaa neriuutigineqartoq
Siunnersuisoqatigiit naapertorlugit, nalunaarusiaq Kujataani innuttaasut Kuannersuarmi suliniummut tunngatillugu peqataatinneqarnissaannut pisariaqartitsinermut tunngavoq.
Atuaruk: Taamaattumik Sermitsiaq uranimik ilisimasalinnik paneliliorpoq
Nalunaarusiamik suliarinnittut neriupput, namminersorlutik oqartussat, suliffeqarfiit innuttaasunik pitsaanerusumik peqataatitsilissasut.
- Kuannersuarmi pilersaarummik tapersersuisut naaggaartullu tusaaneqarnerlulerlik!, qaaqqusissummi allaqqavoq.
- Tusaaneqarnissaq piinnarnagu aammali ilumoorunneqartarnissaat.
'Ajorpoq’ – vi får ingen svar' allanneqarpoq Nunatta Kujataani angalalluni missuinerit toqqammavigalugit inuiaqatigiilerinermik BA Mia Siegstadimit eskimologimillu Mads Fægteborgimit suliarineqarluni.
Asserpassuit: Urani Kujataani aalassatsitsisoq