kommuninut qinersineq

IA: Qaasuitsoq Kujallermi suli isumaqatiginninniarpugut

Inuit Ataqatigiit suli borgmesterinngornitsitsinissartik siunniuteqqavaat

Suli isumaqatiginniniarpugut. Inuit Ataqatigiit Qaasuitsoq Kujallermi pissaaneqarniunneq pillugu taama nalunaaruteqarput.

- Isumaqatiginninniarneq ingerlavoq, Inuit Ataqatigiinniillu saaffiginneqattaarpugut, uterfigineqarnissarpullu utaqqillugu. Saaffigineqaqqinnissamullu piareeqqavugut, partiip isumaqatiginninniarnerni ataqatigiissariisua Hans Aronsen tusagassiuutinut nalunaarummi allappoq.

Partiip borgmesterinngortitsinissani piumasarigaa, toqqaannartumik oqaatiginngikkaluarlugu erseqqissaatigaa, qinersinermi partii annerpaanngormat.

- Innuttaasullu qineqqusaarnermi kissataat suli illersorlugit isumaqatigiinniniarusuppugut sulerusullutalu, taanna nangilluni allappoq.

IA aallarnersaataasunik oqaloqatigiissuteqareerpoq.

- Qaasuitsup kommuniani kommunimi nutaanngortussami Inuit Ataqatigiit partiitut anginerpaanngortutut ileqqorissaarnissarlu tunngavingalugu aggersaanissat piareersarniarlugit partiit qinigaatitaqartut oqarasuaat kiisalu ataasiakkaatut naapinnerit atorlugit ilaasortanngortinneqartut qiningaanerpaallu attavigisaqattaarsimavugut.

- Atassummit ippassaq ullaap tungaa nal. 09:30 oqaloqatigineqatsiarpugut, Siumumiillu ippassaq unnukkut saaffiginneqattaarnerput akissutissarsinagulu, Sømandshjemmemi kaffisortarfimmi naapinneqatsiarpugut.

- Ersarilluinnartumillu ippassaq tusangassiutikkut paasivarput Siumut Atassullu sinnerlugit isumaqatiginniartitaasut siusittukkut oqaloqatigiinnernik ingerlataqalereersimasut.

Hans Aronsenip inunnik isumaginninneq, inuussutissarsiornikkut ineriartortitsineq meeqqallu atuarfiat IA-p pingaarnertut nukittorsagassaatut tikkuarpai.

Powered by Labrador CMS