Friday, January 12, 2018 - 13:23

IA-p tunngaviusumik inatsisissaq pillugu isumalioqatigiissitami ilaasortaatitassaminik toqqaavoq

Tunngaviusumik inatsissaq pillugu isumalioqatigiissitami kiap Ane Hansen paarlassaneraa, arfininngorpat Sara Olsvigip oqaatigissavaa
Assi.: Leiff Joesefsen
Ane Hansen, borgmesteritut sulilernissani pillugu Inatsisartunilu sulinngiffeqalersimasoq, Tunngaviusumik inatsisissaq pillugu isumalioqatigiissitami ilaasortaajunnaarsimavoq. Isumalioqatigiissitamilu kina ilaasortanngussanersoq, arfininngorpat IA-mit aalajangerneqassaaq.

Partiip siulittaasua Sara Olsvig ulluni kingullerni Københavnimi ataatsimeeqattaarpoq.

Tunngavik

Tamanna, IA-p aatsaat aqagu arfininngornermi Inatsisartuni ilaasortaatitaasa tamakkerlutik Ane Hansenip paarlatsissaanik toqqaasinnaaneranut, tunngaviuvoq.

- Tunngaviusumik inatsissaq pillugu isumalioqatigiissitami kina IA-miit aallartitaassanersoq, aqagu nalunaaqutaq 11.00 Inatsisartuni ilaasortaatitatta ataatsimiissutigissavaat, Sara Olsvig Sermitsiaq.AG-mut paasissutissiivoq.

- Isumalioqatigiissitap sulinerani piukkunnaatilimmik ilaasortamik toqqaanissaq qilanaarivara, Sara Olsvig oqarpoq.

Tunngaviusumik inatsisissaq pillugu isumalioqatigiissitami kikkut ilaasortaaneri nalornissutigineqalermat novembarip naaneraniilli sulineq uninngasimavoq, tamatumunnga pissutaavoq Mala Høy Kúkop Atassummiit ilaasortaajunnarluni Siumumi ilaasortanngorsimanera Ane Hansenillu ingerlaqqinnginnissaa piumasarineqarsimammat.

Aamma atuakkit:

Isumalioqatigiissitaq suli akerleeriiffiusoq

Isumalioqatigiissitaq suleqqinnissamut piareertoq

Sukap isumalioqatigiissitami akerleriinneq aaqqiissuteqarfiga

Seneste nyheder / Nutaarsiassat kingulliit