qinersineq
IA-p qinigassangortitani saqqummiutissavai
Inatsisartunut qinersinissamut Inuit Ataqatigiit qineqqusaarutissaat qinigassanngortittullu maannamut allattorsimaffiat tallimanngornermi saqqummiunneqassapput
Siumup aamma Partii Naleqqap maannamut qineqqusaartitatik saqqummiutereerpaat Inatsisartunut qinersinissamut novembarip 28-ani pisussamut.
Inuit Ataqatigiit maannamut qineqqusaartitatik saqqummiutissavaat nalunaaqutaq 10.00.
Tusagassiortunik katersortitsinermi Inuit Ataqatigiit qineqqusaarutissatik saqqummiutissavaat, tassani ataqatigiinnissaq, suleqatigiinnissaq, kikkut tamat oqartussaaqataanerat kiisalu naligiinnissaq qitiutinneqarpoq.
Inuit Ataqatigiinnit uku saqqummiunneqarput:
- Aqutsilluartoqartariaqarpoq – tassaanngaannartumik aalajangiisarnerit unittariaqarput.
- Innuttaasut sinniisaat kingunissalimmik suleqatigiittut takorusulerpavut.
- Aaqqissuusseqqinnissat pillugit siammasissunik isumaqatigiissusiortoqartariaqarpoq.
- Demokrati annertusartariaqarpoq – innuttaasut oqartussaa- qataatittariaqarpagut.
- Akimut ersittumik ingerlatsisoqartariaqarpoq – naalakkersuinikkut allaffissornikkullu.
- Aalajangiinerit eqqarsaatigilluagaassapput paasiniaaqqissaarnermik tunngavilersugaallutik.
- Siunissamut qaamasumut neriuuteqarneq utertinneqaqqittariaqarpoq, inuiaqatigiinnullu iluaqutaarusunneq sakkortusartariaqarpoq.
Qinersinissaq pillugu Sermitsiaq.AG-mit allaaserineqartut tamarmik uani atuarneqarsinnaapput