anineq
IA-p Inuusuttaasa Naaja Nathanielsen akerlilersorpaat
IA-p siulittaasua Sara Olsvig tunuliaquttaminut tusarnaarluannginnera, Inuusuttut Ataqatigiit ilisarisinnaanngilaat
Sapaatip-akunnerani kingullermi Inuit Ataqatigiit Inatsisartunut ilaasortaatitaat nuimasup, Naaja Nathanielsenip, partiimit anilluni nalunaarutigaa. Upernaakkut ataatsimiinnermi taanna attaviitsuussaaq. Taassumalu kingorna politikkimit tunuavissaaq.
Atuaruk: Naaja Nathanielsenip IA qimappaa
AG-mi saqqummertumi kingullermi taassuma aalajangernini itisilerpaa.
- Misigisimavunga aqutsisut suliani ataasiakkaani isummanik assigiinngitsunik tusaaniarnerusariaqartut, oqaloqatigiinneq oqallinnerlu inissaqartinnerullugu, taanna aviisimut oqarpoq.
Atuaruk: Nathanielsen tunuarnermi kingorna: Sara tusaaniarnerusariaqarpoq
Inuusuttut Ataqatigiinnili siulittaasup tulliata, Jane P. Lantzip, oqallinnissamik amigaateqarneraneq ilisarisinnaannginnerarpaa.
- Naaja Nathanielsenip akerlianik isumaqarpugut siulittaasorput tunuliaqutaminut siulersuisuunernullumi tusarnaallaqqissuusoq. Inuusuttut Ataqatigiinni nuannaarutigivarput siulittaasoqaratta inuusuttunik politikkikkut aaliangiussassanik peqataatitsisumik tamannalu pillugu siulittaasorput nersualaarparput, Jane P. Lantz, aamma siulersuisuunerniittoq tusagassiuutinut nalunaarummi erseqqissaavoq.
Atuaruk: Olsvig: Naajap aalajangernera ataqqivarput
Naaja Nathanielsenimik apersuineq tamaat AG normu 10 pisiaralugu atuarsinnaavat, pisiniarfimmi imaluunniit uani ataani linki atorlugu pisiarisinnaavat: