siunnersuut
IA Nunatta Kujataani ikerasaliortitserusuttoq
Qaqortumiik kujammut imaani angallanneq isumannaanneroqqullugu ikerasaliortoqarnissaanik, Kelly Berthelsen siunnersuuteqarpoq.
Itilliarsummi ikerasaliortoqassaaq.
Kelly Berthelsenip (IA) Naalakkersuisut peqquniarpai.
Anorlerajuttoq
Qaqortumiit kujammut Saarloq tikillugu naqitsiniisaffeqarfinnit eqqungaakkajummat, tamatulali kingunerisaanik anorlerajuttuummat siunnersuummi tunngavilersuutigineqarput.
- Itilliarsuk ikerasaliorneqarpat Qaqortumiit kujammut Saarloq eqqaaqqullugu angallavik ingiullernikkaaqisoq atorneqartariaarutissaaq assullu sivikillissalluni. Kiisalu, sikorsuit tulakkaangamik, Kelly Berthelsen (IA) tunngavilersuutimini allappoq.
Naalakkersuisoqatigiit isumaqatigiissutaat
Sikorsuillu nalaanni Qaqortumiik kujammut imaani angallannermut ajornakusoortitsisinnaasarluni.
Naalakkersuisoqatigiinnissamulli isumaqatigiissut, Kelly Berthelsenip (IA) tikkuarpaa, ima allaqqasoq:
- Imaatigut angallannerup isumannaannerulernissaa anguniarlugu angallatit ikerasaaqqatigut angalasinnaanerannut periarfissaat annertusarneqassaaq.
Misissorumaneqartoq
Naalakkersuisulli sanaartorneq ingerlaannaq aallartinnianngilaat.
Ikerasaliortitsinissamut aningaasartuutissanik naatsorsuisoqarsimanngilaq, ikersaliornernillu sanaartornerit pilersaarusiorluakkamik ingerlanneqassasoq, Naalakkersuisut isumaqarput.
- Naalakkersuisut taamaammat inassuteqaatigaat aalajangiiffigisassatut siunnersuut allanngortinneqassasoq, taamaalilluni annertunerpaamik ilisimasaqarluni aalajangiisinnaajumalluni pisariaqartunik misissuinissamik Naalakkersuisut peqquneqassasut., akissuteqaammi taama allassimasoqarpoq.