naalakkersuisunngortoq

IA-mi siulittaasoq: Naligiinnginneq akiussavarput

Inuiaqatigiit naligiinnerulissapput, Inuit Ataqatigiit siulittaasuat, Sara Olsvig taama isumaqarpoq

Inuiaqatigiinni naligiinnginneq akiorneqassaaq, Inuit Ataqatigiit siulittaasua Sara Olsvig isumaqarpoq

- Nunarput 2009-mi namminersulermat inuiaat namminiilivinnissamut suliniuteqarnissarput aamma toqqarparput. Namminiilivinnissamut aqqummi suliassatta pingaarnersaat tassaavoq inoqatitsinnik kataqarata inuiaat nukittuut pilersissallutigit.

Isumaginninnermut, ilaqutariinnermut, naligiissitaanermit inatsisinillu atortitsinermut naalakkersuisoq, IA-meersoq Sara Olsvig, tusagassiuutinut nalunaarummi taama oqarpoq.

Taamaattumik inuiaqatigiinni naligiinnginneq millisarneqarnissaa tamaviaarutiginiarpaa.

Atuaruk: Aatsitassanik suliassaqarfik eqaanninngortinneqassaaq

Ataatsimoortutut misigineq
- Inuit Ataqatigiit taamaammat Naalakkersuisooqataalernitsinni nunatsinni inunnik isumaginninneq salliutillugu naligiinnginnerujussuarlu akiussallugu pingaarnerpaatut siunnerfigaarput. Inuiaqatigiittut ataatsimoorluta kivitseqatigiinnissarput tamatumani pisariaqarpoq.

- Inuiaqatigiittut siuariartornitsinni inunnik katataqarata ingerlatsissaagut. Inuussutissarsiornikkut, aalisarnikkut, aatsitassarsiornikkut, takornariaqarnikkut allatigullu ineriartortitsinermi iluatsittumik inuiaqatigiinnik nukittuunik tunngaveqarluta suligutta angusaqassaagut, Sara Olsvig erseqqissaavoq.

Atuaruk: Naalakkersuisunut ilaasortat nutaat aajuku

Inuiaqatigiit kivillugit
Taassuma aamma meeqqat atuarfiat kivinnissaa piareersimaffigaa, meeqqallu amerlanerit nuannaarlutik pitsaanerusumik angusaqarnissaat qulakkeerlugu.

- Inuit Ataqatigiinnut siulittaasutut naalakkersuisooqatigiinni pilersinneqartuni Isumaginninnermut, ilaqutariinnut, naligiissitaanermut inatsisinillu atortitsinermut akisussaaffik tigussallugu toqqarpara. Naalakkersuisut siulittaasuannut sinniisutut siullertut suliassaqarfik naalakkersuinikkut pingaartinneqarnera qaffappara, inuiaqatigiinni suliassatut pingaarnertut isigigatsigu.

- Qilanaaraarput Siumut aamma Partii Naleraq suleqatigisussanngoratsigit. Siunnerfigisatsinnik ataatsimoorluta angusaqarluassaagut. Annertuumik angusaqarnissarput qularutiginngilarput, IA-p siulittaasua taama oqarpoq.

Naalakkersuisut nutaat pillugit AG-mi uani sapaatip-akunnerani saqqummertumi atuarit, taanna ullumi pisiniarfinni pisiassaalerpoq. Aviisi uani aamma pisiarisinnaavat:

Powered by Labrador CMS