Inuit Sila
IA-mi politikeri: Naalakkersuisut eqqarsaqqaartariaqarput
Inatsisartunut ilaasortaq isumaqarpoq Naalakkersuisut Inuit Silap puisit amii pillugit paasititsiniaanerannut tapiisarnerminnik unitsitsinerat inuiaqatigiinnut akisusinnaasoq
Aatsaat taamak Inuit Sila Europami ilisimaneqartigaaq, taamaakkaluartorli Naalakkersuisut tapiiffgisarunnaarniarlugu aalajangerlutik. Tamanna paasisinnaanngilara, Ane Hansen Inuit Ataqatigiinneersoq oqarpoq.
Novembarip 25-ani 2015-imi Inatsisartut ukiaanerani ataatsimiinneranni Aalisarnermut, Piniarnermut Nunalerinermullu Naalakkersuisoq Karl-Kristian Kruse aperaa paaserusullugu Naalakkersuisut siunissami sunik pilersaaruteqarnersut.
Atuaruk: KNAK: Puisit amii pillugit paasititsiniaaneq Inuit Sila ingerlatiinnassavarput
Nassuiarneqanngitsoq
– Qanoq ilillutit oqarsinnaavit Naalakkersuisut paasititsiniaaneq siuarsarusukkaat aningaasaliinngivillusimassa, aperaaq.
Namminersorlutik Oqartussat puisit amii pillugit paasititsiniaanermut Inuit Silamut ukiumut 865.000 koruuninik tapiissuteqarput, 2016-imullu aningaasanut inatsisissami tapiissut peerneqarsimavoq nassuiaatitaqanngitsumik. KNAPK-milu siulittaasoq aamma tamanna pillugu Naalakkersuisumik avoqqaarinnippoq allaffigalugulu:
– Kajumissaarutigerusupparput misilittakkat pitsaasut igillugit suliniummik nutaanik aallartitsisinnani silatusaartariaqartoq, sapaatip-akunnerani kingullermi KNAPK-mi siulittaasoq Henrik Sandgreen oqarpoq.
Atuaruk: Inuit Sila Issittumi nunani aamma paasititsiniaarusuppoq
Sermitsiami juullimut aviiserujussuarmi saqqummeqqammertumi allaaserisaq tamaat, uani pisiarisinnaavat: