IA-mi arnaq nukittooq politikkimit tunuarpoq

Inatsisartuni ilaasortaq Juliane Henningsen ulloq novemberip aallaqqaataa aallarnerfigalugu politikkikkut qinikkatut sulinerminit tunuarniarluni nalunaaruteqarpoq.

Taanna Ilulissanut nuulluni Halibut Greenland ApS-imi sulilertussanngorpoq.

Politikkimit allaanerusumik misiliiniartoq
Partiimit tusagassiuutinut nalunaarummi nammineq aalajangernik imaannaanngitsuunerarpaa.

- Ataatsimulli isigalugu ingerlariaqqinnissaq allanillu sammisaqarnissaq kajungeringaluttuinnarsimavara. Illoqarfinnullu uterlunga suleqataanissannut maanna piareersimavunga.

- Suliniutit pingaarutillit peqataaffigisimasakka iluatsilluartutullu isigisakka amerlaqaat, inunnut isumaginninneq, kulturi, ilinniartitaaneq, peqqinnissamullu tunngasut annerpaamik suliaqarfigisimavakka.

Politikkikkut eqqisseqqusisoq
Henningsenip politikkikkut suliniutimini kingullerni Siumup IA-llu suleqatigiinnerunissaat aammalu bussit unittarfiini pujortarneq inerteqqutaalernissaa siunnersuutigai.

Atuaruk: IA Naalakkersuisunut: Ataatsimut 'aallaqqaataanertaat' toortigu

Partiip siulittaasua, Sara Olsvig allakkami nalunaarummi partiip nukittoortaa qujaffigaa.

Julianemut qujavoq
- Juliane ukiuni qulini kingullerni Nunatsinni politikkikkut imaannaanngitsumik angusaqarfiusimaqisumillu suliaqarpoq, Inatsisartuni Folketingimilu qinikkatut sulinermigut. Ingammik isumaginninnermut politikkikkut annertuumik suliaqarnera malunniuteqartarsimavoq. Juliane naammassisarsimasai amerlapput, Inuit Ataqatigiinniillu tamanna nangissagipput neriorsuutigivara, Olsvig oqarpoq.

Inuit Ataqatigiit Inatsisartunut sinniisussaat tullinnguuttoq tassaavoq Hans Aronsen, taannalu novembarip aallaqqaataa aallarnerfigalugu Juline Henningsenip tunuarneratigut Inatsisartunut ilaasortanngoqqinnialerpoq.

Eqqaamaviuk?

Juliane: Siumup sangujoraartumik ingerlatsineranut uteeqqippugut

Juliane: Taamaattumik Nunafondenip aningaasartuutai qaffapput