Skip to main content

IA Kim Kielsenimut: Benziinamut kortip atornerlunneqarsimaneranut pasilliut nassuiaaffigiuk

Naalakkersuisup naalakkersuisutut kortiminik atornerluisimaneranik pasilliuteqartoqarneranik suliami, Inuit Ataqatigiit misissueqqissaarfigineqaqquaat.

Maanna Naalakkersuisuni ilaasortap imaluunniit ilaasortaasimasup, naalakkersuisutut kortini nammineq angallamminut benziinamut pisilluni atornerlunnikuuaa? Sapaatip-akunnerata siuliani ataasinngornermi, Suleqatigiissitsisuneersup Tillie Martinussenip, §37 naapertorlugu tamanna apeqquteqaatigaa.

- Eqqumaffigaarput § 37 tunngavigalugu apeqquteqarnikkut tusagassiorfitsigullu saqqummersutut naalakkersuisutut aningaasartuutinik atornerluisoqarsimaneranik pasitsaassisoqarmat. Inuit Ataqatigiinnit erseqqissumik oqaatigissavarput Nunatta Karsianit atornerluineq akuersaanngilluinnaratsigu, Sara Olsvig oqaaseqartartutut, ullumi nunap karsiata naatsorsuutai pillugit oqallittoqarnerani taama oqarpoq.

Kukkunersiuinermut ataatsimiititaliap suliaq misissoqqissaartariaqaraa, taanna isumaqarpoq.

- Taamaammat suliap pineqartup, pisoqarsimappat, Kukkunersiuinermut Ataatsismiititaliamit misissorluarneqarnissaa pisoqarsimappallu Inatsisartunut piaartumik nalunaaruteqarnissaat piumasaraarput.

LÆS OGSÅ: Tillie: Benziinamut akiliummik atornerluisoqarsimava?

Taassuma parteeqataata Aqqaluaq B. Egedep suliaq malitseqartillugu Demokraatineersunut Malene V. Rasmussenimut apeqquteqarpoq. Pasilliutigineqartoq ilumoornersoq paasiniarneqarnissaa Demokraatit tapersersorneraat taassuma tusarumavaa.

Malene V. Rasmussen (D) toqqaannartumik akissuteqanngilaq, kisianni kukkunersiuinermut ataatsimiititaliap ilaasortaanut suliap apeqqutigineqarnissaanut innersuussivoq.

Partiimi siulittaasup Niels Thomsenip tamatuma kingorna naqissuserpaa, pisortat aningaasaataannik atornerluisoqarsimappat soorunami sakkortuumik iliuuseqarfigineqartariaqarneranik partii isumaqarnerarpaa. Kisianni tamatuma saniatigut inernilersuinnginnermi kukkunersiuinermut ataatsimiititaliaq qulaajaasariaqartoq oqaatigaa.

Tillie Martinussenip apeqquteqaataanut akinissamut Naalakkersuisut ullut qulit suliffiusut periarfissaraat, tassa imaappoq uuma sapaatip-akunnerata ingerlanerani. Kisianni Kim Kielsen (S) suliaq nassuiaaffigisariaqaraa, IA isumaqarpoq.

- Naalakkersuisut Siulittaasuata inuiaqatigiinnut aamma nassuiaasariaqarnera piumasaralutigu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER