Oqaatsit:
IA: Atuartuni minnerni ilitsoqqussaralugit oqaatsit kisimik
Upernaakkut ataatsimiinnermi meeqqat atuarfianni oqaatsinik atuartitsineq sammineqartorujussooqqissaaq. Politikerit oqaatsinut siunnersuutit pingasut nutaat annertuut oqaluuserissavaat
Inatsisartunut ilaasortat 31-it – ukiuunerani sivisuumik uninngareersimallutik – Nuummi Inatsisartut ataatsimiittarfianni upernaakkut ataatsimiilerpata qularnanngivissumik oqaatsit pillugit oqallinnerujussuaq ingerlanneqarumaarpoq.
IA-meersoq Peter Olsen politikerit oqaatsinik oqaluuserisassanngortitsisut ilagaat. Taassuma ilinniartitsinerup taama ajortiginera aalassassutigaa:
– Ilisimatusarnermi angusat malissagutsigit imatut iliussaagut: Atuartut ilitsoqqussaralugu kalaallisut oqaasillit ukiuni siullerni kalaallisut atuartinneqartassapput, atuartullu ilitsoqqussaralugu qallunaatut oqaasillit ukiuni siullerni qallunaatut atuartinneqartassallutik. Taamaasilluni kalaallisut qallunaatullu atuartitsinerit tamarmik immikkut nukittorsarneqassapput. Annaasaqartoqassanngilaq, kikkut tamarmik pissarsissapput, Peter Olsen (IA) isumaqarpoq.
Ilinniartitaanermut Naalakkersuisuusimasoq Nivi Olsen (D), Peter Olsen akerlilerlugu isumaqarpoq 1. klassimiit nunat allamiut oqaasiinik atuartitsineq annertusarneqassasoq.
Tuluttut qallunaatullu atuartitsinermi akunnerit atorneqartut amerlassusaat akullerni amerlaqatigiisinneqalissasut, Mimi Karlsen (IA) siunnersuuteqarpoq.
Oqaatsit pillugit AG-mi paasisaqarnerusinnaavutit: