nassuiaat
IA: Ajorinninniarpallaarlunilu iliuuseqannginneNunatta Issittullu qaammataasatigut nakkutigineqarnerunissaa attaveqarnerunissaalu tikkuarpaa Issittumilu sillimaniarnermut politikkikkut sammisaqarnerunissaq tikkuarpaa.q
Taksøemik nalunaarusiap saqqummiunneqarnerata kingorna, partii illuatungiliuttoq Inatsisartuni nunanut allanut tunngasumik politikkimik ujartuivoq
Naalakkersuisut partiillu naalakkersuisuutitaqartut Taksøep nalunaarutaa imarisaatigut oqaaseqarfigivallaarnagu ajortussarsiorlutik nukitik atorpaat.
Partiimit illuatungiuliuttumit Inuit Ataqatigiinnit oqariartuut taama nipeqarpoq, taakku saniatigut Peter Taksøe-Jensenimit nalunaarutit oqariartuutai ilai soqutiginartippaat.
Atuaruk: Nalunaarusiaq nutaaq: Danmarkip Issittoq aamma Kalaallillu Nunaat aallunnerusariaqarpai
Nalunaarusiaq ataasinngormat saqqummiunneqarpoq.
Iliuuseqarnissamik ujartuisut
- Isumaqarpugut Naalakkersuisut, Siumut Demokraatillu Nunatta nalunaarusiami taaneqanngippallaarnera pillugu ajorinninnerat oqippallaartoq. Taksøep nalunaarusiami Inuit Ataqatigiit sivisuumik iliuuseqarfigineqarnissaannik ujartuiffigisimasavut iliuuseqarfigeqqullugit tikkuarpai, IA-p siulittaasua, Sara Olsvig, tusagassiuutinut nalunaarummi naqissusiivoq.
Atuaruk: Siunnersuut: Danmarkip nunanut allanut politikkimini Issittoq samminerusariaqarpaa
- Issittumut tunngasunik sammisaqarnerunissamut tikkuussivoq, innuttaasut toqqaannarnerusumik Nunatta illersornissaanut suliassanut peqataalernissaannik tikkuussivoq, Nunatta Issittullu qaammataasatigut nakkutigineqarnerunissaa attaveqarnerunissaalu tikkuarpaa Issittumilu sillimaniarnermut politikkikkut sammisaqarnerunissaq tikkuarpaa.
Oqaluuserineqarnerulernissaa
Tassungalu tunngatillugu siulittaasut erseqqissarpaa, nunanut allanut politikki Inatsisartut oqaluuserisassanut pingaarnernut ilanngunnissaa pisariaqartoq.
- Assersuutigalugu ujartortaqaarput Inatsisartuni Nunanut Allanut Sillimaniarnermullu Ataatsimiititaliaq suliaqarnerulissasoq. Assersuutigalugu Nunarput nammineq Issittumut periusissiortariaqarpugut. Inuit Ataqatigiit siorna Naalakkersuisut nunanut allanut politikkikkut nassuiaataat oqallisigineqarmat tamanna siunnersuutigaarput, Sara Olsvig oqarpoq.
Ataatsimeersuarneq
Partiip aamma soqutiginartippaa, Arctic Five Ilulissanit Nalunaarutip ukiut qulinngortorsiortorlu 2018-mi naapeqqinnissaannik siunnersuuteqarmat.
- Aamma neriuppugut Nunarput ilisimatusarnikkut qitiusoqarfittut inissisimanissaanut suliniuteqarnissamik siunnersuutaa Nunatsinni ilisimatusarfinnit tigulluarneqarumaartoq, naqissusissavarpulli suliat taakkua piviusunngortinneqassappata Nunatta siuttuuffigisaanik suliarineqassasut piumasarigatsigu, IA-mi siulittaasoq erseqqissaavoq.
Nunatta nunarsuarmioqatigiit akornanni qanoq inissisimanera pillugu upernaami Inatsisartuni ataatsimiinnermi Inuit Ataqatigiit oqallisissiamik aamma saqqummiussaqarput.