ullumi pissaaq
Hudsonip piiaanissaanut akuersissut ullumi atsiorneqassaaq
Nunatsinni aatsitassarsiornerup aallarteqqinnissaanut pisoq pingaarutilik ullumi pissaaq
Hudson Greenlandip atuinissamik akuersissutaata aammalu White Mountainimi suliniummut IBA-mik (Impact Benefit Agreementip, aaqqissuuss.) isumaqatigiissutip ualeq manna pisortatigoortumik atsiorneqarnissaannut Naalakkersuisut tusagassiortunik qaaqqusipput.
Tamanna pissaaq Sisimiuni Nuummilu immikkoorluni persuarsiortumillu atsiuinikkut pissaaq, video-linkimik attaveqaaserluni.
Aaqqissuussineq tuluttut ingerlanneqassaaq
Isumaqatigiissummik atsioqatigiittussat tassaapput Namminersorlutik Oqartussat, Qeqqata Kommunia ingerlatsivilllu Hudson Greenland, aamma Hudson Resources-itut ilisimaneqartoq.
Pappiaqqat immikkoortillugit atsiugassat sinnersaraalluni atsiorneqassapput aatsitassarsioqatigiiffimmit aallartitap saniatigut Qeqqata Kommuniani, anorthosit-imik piiaafiup inissisimaffissaani, borgmesterimit Hermann Berthelsenimit (S), aningaasaqarnermut aatsitassanullu naalakkersuisumit Anda Uldumimit (D) aammalu inuussutissarsiornermut, sulisartoqarnermut niuernermullu naalakkersuisumit Vittus Qujaukitsumit (S).
Glasfiberiliornermut atortussamik piiaassaaq
Aaqqissuussineq pingaartumik tuluit oqaasii atorlugit ingerlanneqassaaq.
Naalakkersuisut piviusorpalaartumik allaatigisimavaat Hudsonip Qaqortorsuarmi, White Mountainimi, piiaaffia qanoq pingaaruteqartigissanersoq.