aatsitassarsiorneq
Hudson Greenlandip sulisuni piginneqataatissinnaajumavai
Piiavimmi sulisussat aatsitassarsiorfimmik piginneqataassutsinik akikinaarlugit pigisaqalersinnaanerinut tunngatillugu akitsuusersueriaatsinik akileraarusersueriaatsinillu Namminersorlutik Oqartussanut oqaloqatiginittoqarpoq.
Hudson Greenland A/S Kangerlussuup eqqaani Naajaani Anorthositemik piiaavimmik septemberimi ammaasussaavoq, sulisussallu aatsitassanik suliffeqarfimmi piginneqataaassutsinik aktianik piginneqataalersinnissaannut periarfissikkumavai.
Sermitsiaq allappoq.
Taamatut suliffeqarfimmik piginneqartaassutsinik sulisunut periarfissiisarneq nunani allani suliffeqarfinnik aallartisaasuni atorneqarluartartuuvoq, sulisussanik soqutiginnilersitsinissamut, piumassuseqalersitsinissamut suliffimmilu atajuarnissaannut kajumissuseqalersitsinissamut iluaqutitut atoneqartarluni. Hudson Resources Inc.-imi pisortaanerup tullia Jim Cambon ilisimatitsivoq.
Taanna Sisimiuni Maniitsumilu anorthositemik piiaavissami suliffissat pillugit januaarimi innuttaasunut ataatsimiisitsilluni saqqummiusseqammerpoq. tassanilu sulisunut atugasarititaasut aamma saqqummiunneqarmata pisortaanerup tulliata Jim Cambonip suliffeqarfimmi piginneqatigiissutsinik sulisuminnut periarfissiiumaneq annikitsumik iserfigillatsiarpaa. Periarfissallu assigiinngitsuupput sulisut suliffeqarfimmi piginneqataalernissaannut.
-Periuseq ataaseq tassaavoq, sulisunut piffissami aalajangersimasumi sulereersimasunut (naliginnaasumik minnerpaamik ukioq ataaseq) aktianik piginneqataassutaasinnaasunik periarfissanik ukiumut tunniussineq, Jim Cambon oqarpoq nassuiaallunilu periarfissiinermi sulisut aktianik akimut aalajangersimasumut pisinissaannut periarfissinneqartartut.
Periarfissiissutigineqartullu aqutsisutut sulisunut tunniunneqartartunut assigussasut.
Allaaserineqartoq aviisimi Sermitsiami ullumi tallimanngornermi saqqummersumi tamakkiisumik atuarneqarsinnaavoq. Aviisi uani pisiariuk: