Hotel Hvide Falkip pisortaa nutaaq
Ilulissani Hotel Hvide Falkip Edvard Rosbach pisortatut atorfinitsippaa
50-nik ukiulik Edvard Rosbach akunnittarfimmi Hotel Hvide Falkimi pisortanngorpoq.
Piginnittut Albatros Travel tusagassiuutinut nalunaarummi allapput.
Edvard Rosbach ukiorpassuarni akunnittarfinni sulinermik misilittagaqarpoq. Upernaap ingerlanerani akunnittarfimmik piginnittuusimasut, januaarip aallaqqaataani akunnittarfimmik suliffeqarfissuarmut Albatrosimut tunisaqartut paarlassavai.
- Edvard Rosbachip pisortartaarinerani misilittagartuumik pissarsivugut, taanna akunnittarfinni ulluinnarni ingerlatsinermi pisortatut misilittagarpassuaqarpoq, ukiunilu kingullerni sulisunik sulisoqarnermilu ineriartortitsinermik. Najugaqartumik sulisussarsisinnaagatta nuannaarutigeqaarput, tamannalu uagutsinnut iluaquterujussuartut isigaarput, pisisartut aamma akunnittarfik Ilulissat oqaluttuarisaaneranni ukiuni qulikkaanni tallimanngulersuni pisortanngormat, siulersuisunut siulittaasoq Søren Rasmussen tusagassiuutinut nalunaarummi oqarpoq.
Edvard Rosbach Hotel Arcticimit nuussaaq, taanna ukiorpassuarni assigiinngitsunik pisortaaffeqarpoq, ilaatigut inniminniisarfimmi, ataatsimiititsisarfimmi aamma saaffiginnittarfimmi pisortartut, aammalu pisortap tullersortaatut sulisimalluni.
Hotel Hvide Falk neriniartarfeqarpoq imerniartarfeqarlunilu, 40-nik initaqarluni, akunnittarfillu qulingiluanik inissiartaqarluni, ataatsimillu ilaqutariinnut inissaateqarluni.