siulittaasunngorniuunneq

Hermann Berthelsenip qinersititsinissaq mianersoqqussutigaa

Siumut Inuusuttaasa Qeqqatalu Kommuniani borgmesteriusimasup qinersititsinissaq mianersoqqussutigigaat, inuussuttup oqallissaarisartup Kaaleeraq Møller Andersenip pitsaasumik kinguneqassasoq isumaqarpoq.

Siumumi nuimanerit amerliartuinnartut Kim Kielseni partiip siulittaasuatut tapersersorpaat.

Kingullernulli ilaavoq ukiuni arlalinni Qeqqata Kommuniani borgmesteriusimasoq, Hermann Berthelsen, taassuma siulittaasup ingerlaannarnissaa taperserlugu oqarpoq.

Ikerinnakkulli qinersititsisoqarnissaa taassuma ilanngullugu mianersoqqussutigaa.

– Allamik toqqaasoqarpat Siumut qularnanngitsumik immikkoortinneqalissasoq Hermann Berthelsen Sermitsiamut oqarpoq.

Aammattaaq Siumut Inussuttaasa ullumi qinersititsisoqarnernissaanut mianersoqqusipput.

Inuussuttulli oqallissaarisartup Kaaleeraq Møller Andersenip qinersititsisoqarnissaa ajoriffissaqartinngilaa.

- Qinersititsisoqassangaluarpat akornusiissava? Naamik, taama isumaqanngilanga, taanna Sermitsiaq.AG-mut oqarpoq.

- Vittus Qujaukitsoq siulittaasunngorniuunnermi ajugaassangaluarpat ajoqutaassanerarlugu oqartoqareersinnaanngilaq. Taamaappat partii atorsinnaanngila?

Hermann Berthelsenip Siumut immikkoortitaalernissaa eqqartorpagu, qularutissaanngitsumik Inuit Ataqatigiinnik suleqateqarneq pisisimassuaa.

Siumup siulittaasunngorniuutitsinera IA-p siulittaasuata Sara Olsvgip oqaaseqarfigerusunngilaa, Sermitsiaq.AG-llu tusarfiit tutsuiginartut oqaloqatigisimasai aallaavigalugit, Vittus Qujaukitsoq Naalakkersuisuni siulittaasuutillugu taassuma naalakekrsuisoqatigiinni suleqataanissani takorlooruminaatsippaa.

Aammattaa Partii Naleqqamiit siulittaasunngorniuunneq oqaaseqarfiumaneqanngilaq, taamaattoq namminiilivinnissamut tunngatillugu partii Vittus Qujaukitsumut qaninneruvoq.

Aamma atuakkit:

Vittus: Siulittaasunngorniunnermi ajugaaguma qinersisoqassaaq

Siumup inuusuttaat qinersinissamut akerliupput

Sermitsiaq aviisimi kingullermi saqqummertumi siulittaasunngorniuunneq sammineqangaatsiarpoq. Tassani Hermann Berthelsenip isummersornera Julie Rademacherillu politikkikkut naliliinera atuarsinnaavatit. Aviisi uani pisiariuk:

Powered by Labrador CMS