Sulisitsisut
Henrik Leth brancheudvalgimi siulittaasuujunnaarpoq
Qajaq Trawlimi pisortaq, Søren Brandt, Sulisitsisut ataanni aalisarnermut, inuusutissalerinermut avammullu tunisassiornermut tunngasunut ataatsimiititaliaani nutaatut siulittaasunngorpoq.
Annonse
Taassuma Henrik Leth taarserpaa, brancheudvalgimi ilaasortaaginnassaaq, Sulisitsisullu siulersuisuini siulittaasuuginnassalluni.
Politikkikkut aalisarnermut inatsisip nutaap suliarineqarnerani siulittaasunngortoq suliassaqarluassaaq, taanna nunatsinni aalisarnermik inuussutissarsiornerup iluani ilisarisimaneqarluartuulluni, kiisalu ukiorpaalunni Sulisitsisuni soqutigisaqaqatigiittut sulinermi akuliusimasimalluni.
Ataatsimiititaliami pineqartumi siulittaasunngornermigut Søren Brandt GE-mi siulersuisunut ilannguppoq.