Henrik Fleischeriup Partii Naleraq ilaasortaaffigiunnaarpaa
Inatsisartunut ilaasortanngorlaap Henrik Fleischer Partii Naleraq ilaasortaaffigiunnaarlugu ilisimatitsivoq. - Partii qimanniarlugu aalajangerpunga ullumi, oqarpoq
Annonse
- Uanga misigisimagama politikkikkut suleqqinnissanni ingerlariaqqittariaqarlunga Partii Naleqqami ilaasortaajunnaarpunga.
Henrik Fleischer tusagassiutinut nalunaaruteqarpoq. Partii Naleraq ilaasortaaffigiunnaarniarlugu ilisimatitsivoq.
- Ullumi ullup qeqqata missaani aalajangerpunga partii qimanniarlugu. Annerusumik oqaasissaqanngilanga, Sermitsiaq.AG-mut oqarpoq.
- Partiimut allamut ilaasortanngulerpit?
- Tamanna oqaaseqarfigerusunngilara. Pinsip kingorna imaassinnaasoq oqaaseqaqqittunga, Henrik Fleischer oqarpoq.
Partii Naleqqamut ilaasortaanera Naalakkersuisooqatigiinnut innarliissanngitsoq ilisimatitsissutigaa.
Inatsisartunut qinersinermi Henrik Fleischer 143-nit taaneqarpoq.