Nuuk
Henrik Broberg: Arfininngornermi arsai ilineqassapput
Qaammatip aallartinnerani kræftimik nappaateqareerluni toqukkut qimaguttoq naggammik inuulluaqquneqassaaq arfininngorpat tulliani Nuummi
Henrik Arkalo Brobergip arsai ilineqalerpata Hans Egedep Oqaluffiani naalagiaqatigiittoqassaaq arfininngorpat tulliani februaarip aallaqqaataani nalunaaqutaq 14.00.
Ilaqutariit Broberg Facebookikkut quppernerannit nalunaarutigineqarpoq.
Henrik Københavnimi januaarip tallimaanni toqukkut qimaguppoq.
Pingasoriarluni qaratsamigut suliaritereerluni, 30-riaq qinnguartartereerluni kemortereernermilu kingorna Henrik Broberg aalajangerpoq kemortinnini unitsiinnarniarlugu. Kemortiinnarnerata inuunera sivitsorsinnaagaluarpaa, inuunerali ilungersornarnerulersimassagaluarluni.
Ilaqutariit saqqummersut
Kræftens Bekæmpelse, Sermitsiaq.AG facebookikkut quppernerlu aqqutigalugit misigisatik ammasumik oqaluttuaraat. Taama saqqummereersut ilaqutariinnut Brobergikkunnut katersuiniarluni aallartittoqarpoq, aningaasatigut artorsannginnissaat anguniarlugu.
Henrik Arkalo Broberg 42-nik ukioqarluni toqukkut qimaguppoq.