unammisitsineq

Heilmann Rosingilu tuniserusulluinnarput

Max4Tassa-kampagnemeersut eqqumiikkajaat marluk paasisitsiniaaneq ingerlalluarsimasoq naggaserlugu akissarsiassanik agguaalerput.

Sapaatip akunneranut arnat amerlanerpaamik arfineq marlunnik angutillu 14-nik imertassapput. Akisussaassuseqartumik imigassartornissamut inassut taama nipeqarpoq. Akisussaasuseqartumik imigassartortarneq pillugu paasitsiniaaneq taaguuserneqarpoq ’Max4Tassa’ tassanilu Eqaluk Høegh aamma Martin Brandt quiasaarusiani ’Labrador’ Kangian’miit aamma ’Kalak’miit ilisimaneqartut pingaarnertut inuttaapput namminersorlutik oqartussani atorfilittaasaarlutik tassaasut Heilmann aamma Rosing

Kristian Ægidius / Max4Tassa

redaktionen

ataasinng 19. maa 2014 10:35

Annonse

Paasisitsiniaaneq Max4Tassa ukiortaamiilli tv-iimi facebookimilu saqqumilaarsimavoq iluatsilluarsimallunilu. Paasisitsiniaanermi unammisitsinerni alutornartuni ajugaasut maanna qinerneqartussanngorput, peqataanissamulli suli periarfissaqarluni. Nipitittakkanik ujaasinermi, selfienik unammisitsinerni aamma tv-iikkut takutitassiaaqqani arfinilinni kimut assingunerpaaneq takuniarluni misilitsissummi quianartumi.

Suna tamarmi nuannariinnarlugu ingerlanneqarpoq, tunuliaqutaasorli pimoorunneqarluni. Paasisitsiniaaneq inuusuttut imernermi ataatsimi amerlanerpaamik sisamatoreeraangamik unittarnissaannik siunertaqarsimavoq - taamaaliornikkullu imerpallaarnikkut ajoquterpassuinik pinngitsuuisinniarneqarlutik.

Max4Tassa’mi inassutigineqarpoq imermi ataatsimi amerlanerpaamik sisamanik imertoqassasoq. Inassutigineqartut malillugit arnat sapaatip akunneranut arfineq marlutortassapput angutillu amerlanerpaamik 14-it.

Paasisitsiniaaneq annerusumik takusaqarfigiuk unammisitsinernullu peqataallutit uani: www.max4tassa.gl.

nunatsinnit inuiagatigiit