ANINGAASAT NUNATSINNIT ANIAPPUT
Hashimik niueruteqarneq millioneerinik nutaanik pilersitsiortorpoq
Eqqussuititsisartut hashimik Kalaallit Nunaannut anngiortumik eqqussinermikkut nunarsuarmi annertunerpaamik iluanaaruteqartarput: kiilumut 300.000 koruunit. Maannalu qimmit ikiaroornartunik naamasartut timimillu qinnguartaatit – kiisalu aningaasanik arsaarinninnerit – eqqussuinermik unitsitsisussanngorput
Eqqussuititsisartut Kalaallit Nunaannut anngiortumik hashimik eqqussuititsinermikkut aningaasarpassuarnik iluanaaruteqartarput.
Tamanna Naalakkersuisut ikiaroornartumik atornerluineq pillugu periusissatut pilersaarusiaannut nutaamut saqqummiunneqaqqammersumut atatillugu Peqqissutsimut Naalakkersuisoqarfiup kisitsit politiinit pissarsiaasa takutippaat.
Aningaasarparujussuit
Eqqussuititsisartut Kalaallit Nunaanni hashimik tunisinermikkut, Qallunaat Nunaanni Europallu sinnerani tunisinerminnit 15-eriaammik isertitsisartut, politiit kisitsisaataasa takutippaat.
Atuaruk: Meeqqat illersuisuat aarlerisaarivoq: Meeqqat qulinik ukiullit ikiaaroortarput
- Eqqussuititsisartut hashi kiilumut 300.000 koruunit missaani iluanaarutigisarpaat. Assersuutigalugulu qallunaat eqqussuititsisartut iluanaarutaat 18.000 – 20.000 koruunit missaanniittartoq, politimestereqarfik peqqissutsimut naalakkersuisoqarfimmut nalunaaruteqarnermini allappoq.
Taamaalillutillu hashimik eqqussuitsisartut, Qallunaat Nunaanni najugaqartutut ilimagineqartut, Kalaallit Nunaannut anngiortumik nioqquteqarnerminni aningaasarpassuarnik iluanaaruteqartarput.
Atuaruk: Politiit hashi 375 kiilu arsaarinnissutigaat
Allaaserisaq tamaat AG-mi uani sapaatip-akunnerani saqqummertumi atuaruk, eqqussuisartunullusukannernerusumik politiit qanoq iliuuseqassanersut atuarlugu. Aviisi uani pisiariuk: