Skip to main content

Hashimik eqqusseriartoqarnerani arlalinnik tigusarinnittoqartoq

Sapaatip-akunnerata siuliani arnap 22-nik ukiullip anngiortumik hashimik 2 kilonik Danmarkimit Kangerlussuarmut eqqusseriaraluarnera, inunnik allanik pingasunik tigusarinninnermik aamma aningaasarpassuarnik hashimillu 700 grammimik arsaarinninnermik kinguneqarpoq.

Sapaatip-akunnerata siuliani marlunngornermi arnaq 22-nik ukiulik akitsuuserisut misissuineranni Danmarkimik tikinnermi kingorna, hashimik 2 kilomik tigummiaqartoq nassaarfigineqarpoq, taamaattumillu Kangerlussuarmi politiinit tigusarineqarpoq.

Anngiortumik hashimik eqqussisutut unnerluutigineqarpoq, kingornalu Ilulissani eqqartuussivimmi sassartinneqareerluni ulluni 28-ni tigummigallarneqartussanngorpoq.

Politiit tusagassiuutinut nalunaarummi taama allapput.

Arnaq 52-nik ukiulik aamma Nuummi tigusarineqartoq

Politiit nalunaarutaat naapertorlugu Sisimiuni politiit suliamik misissuipput, misissuinerallu Nuummi politiit pingasunngornermi Sisimiuni politiit suleqatigalugit inunnik pingasunik tigusarinninnermik kinguneqarpoq, tassani arnaq 52-nik ukiulik ilaavoq, taanna anngiortumik eqqussisutut/imaluunniit hashimik arlalinnik kilomik tigummiartutut unnerluutigineqarpoq.

- Nuummi najukkani arlalinni misissueqqissaartoqarpoq, tassanilu hashi 700 gram missaaniittoq, kiisalu aningaasa 120.000 koruunit arsaarinnissutigineqarput, politiit allapput.

Arnaq 52-nik ukiulik apriilip 26-anni 2018-imi Nuummi eqqartuussivimmi sassartinneqassaaq, misissuinerup ingerlanneqarnerani unnerluussisussaatitaasut tigummigallaanissamik piumasaqaateqassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER