isumaqatigiissut pitsaasoq
Hardenberg pitsaasumik ineqalersoq
Namminersorlutik Oqartussani naalakkersuisoqarfimmi pisortaanerunermi nalaani imminerminut pitsaasumik isumaqatigiissuteqarsimasoq Nuuk TV misissuereernermi ilisimatitsivoq
Atorfilittatut qaffasissumi atorfeqarsimasoq Svend Hardenberg suli aningaasarsiakkaajusoq kiisalu inissaqarniarnermut isumaqatigiissutaasunik suli pisinnaatitaaffeqartoq Nuuk TV ilisimatitsivoq.
Nuuk TV-mit nutaarsiassarineqarpoq Svend Hardenberg Nuummi illusisimasoq 2,7-mik naleqartoq 225.000 koruunimik nalinganit akiliuteqarsimasoq.
Aamma Nuuk TV-imit nutaarsiassarineqarpoq illu pisiarisimagaa, naak Naalakkersuisut siulittaasuata naalakkersuisoqarfiani pisortaajunnaareersimagaluarluni, taamaattorli atorfikkaatut isumaqatigiissutit naapertorlugit illu pisiarisimagaa.
Aamma illup suliarinerani Hans Egedemi 'dronningsuit'-imi ulluni aqqaneq marlunni ullormut 60.000 koruunilimmi ilaquttanilu najugaqarsimasut nutaarsiassarineqarpoq.
Nuuk TV-mit nutaarsiassarineqartoq pillugu Svend Hardenberg attaveqarfigineqarsimanani Sermitsiaq.AG-mut oqaatigaa.
- Suliaq qanoq ingerlanneqarsimanersoq Nuuk TV-mit soqutigineqarsimagunanngilaq, nassuiaavoq.
Tassunga illusinissaminut suliaq 2014-mi aallartinneqarsimasoq oqaatigaa, tassa atorfeqarallarnermi nalaani. Aamma illusinerminut sipaaruteqarsimannginnerarpoq.