Nuuk
Hardenberg ilanngussanik suliaq pillugu: Nassuiaatigisimasavut misissuisimanivullu naammapput
Ilanngussat pillugit suliassami atorfilittat nuimasut pingasut immikkut misissuiffigineqassanngillat. Atorfilittat namminneq piumasaat malinneqassappat, taarsiullu taakku tamarmik immikkut pisimasoq pillugu nassuiaatiminnik tunniussaqarput
- Aleqa Hammond pillugu suliassamut tunngatillugu Naalakkersuisuugallartuni mallittarisassanik, pisussaaffinnik pisinnaatitaaffinnilluunniit atorfilittat unioqqutitsisimanersut misissuisoqartariaqartoq isumaqarpisi?
Taama paasiuminartigisumik Naalakkersuisunut siulittaasuugallartoq Kim Kielsen Siulittaasup Naalakkersuisoqarfiani pisortamut Svend Hardenbergimut oktobarip naanerani aperivoq. Tamanna Svend Hardenberg atorfilittallu nuimasut allat marluk ukiup affaani Naalakkersuisunut siulittaasuusimasup Aleqa Hammondip Nunatta Karsiani aningaasanik atornerluisimaneranik toqqortereqataasimasut ilanngutassiani arlalinni AG-mit paasineqarmat pivoq.
Qaammalli ataaseq qaangiuttoq Kielsen apeqqutiminik suli akineqanngilaq.
Taarsiullugu Svend Hardenbergip nammineq atorfilittallu marluk taakku suliassaq pillugu namminneq isummatik pillugit nassuiaatinik taaneqartartunik pingasunik allaaserineqarnissartik kissaatigisimavaa. Taakku pingasuullutik isumaqarput Aleqa Hammondip 129.000 koruuninik taarsigassani akilissagai sapinngisannguartik tamaat anguniarsimavaat.
Allaaserineqartoq tamaat AG-mi akeqanngitsumi qupperneq 8-mi atuarneqarsinnaavoq
(MALUGINIARUK: ALLAASERINEQARTOQ LINKILIUSSAMI ATUARNEQARSINNAAVOQ)