PISUUSSUTIT UUMASSUSILLIT
Halibut Greenland Ilulissani annertusaaniartoq
Aalisakkanik tunisassiorfik teknologimut nutaamut sulisullu piukkunnarsarnerannut aningaasaliivoq
Aamma tunisassiorfup qerititsisinnaaneq 35-40 tonsiniit 50 tonsinut annertusivaa.
Allanngortiterinermi nunaminertamik alliliisoqartariaqanngilaq, siornali Halibut Greenlandip kommunip neqitsersersuiffia pisiaraa, taannalu suliffeqarfiup sannaviatut allanngortinneqarpoq, tamatumanilu tunisassiornermi inissaqarnerulerluni.
Atuaruk: Uummannap Kangerluani qaleralilerngusaanneq
– Aalisakkat tunineqartut naleqarnerulernissaat anguniagaavoq, pisortaq Niels Thomsen Sermitsiamut oqarpoq.
Ullumikkut Halibut Greenlandimi qalerallit Japanimiunut tisaneqartutut taaneqartartut suliareqqaarneqartarput, niaquat paperualllu peerneqarlutik, saarulliit iluitsuutillugit qeritinneqartarlutik.
– Allanngortiterinitsigut natermiut saarulliillu tisasinnaalerpavut qanorluunniit angissuseqaraluarpata. Tamatumani naleqarnerulersitsivugut, naleqarnerulersitsinerlu soqutigisaqartunut tamanut iluaqutaassaaq: Aalisartunut, aalisakkerivimmi sulinut, piginnittunut – inuiaqatigiinnullu akuuffigisatsinnut.
Allaaserineqartoq aviisimi Sermitsiami saqqummertumi kingullermi atuaruk. Uani pisiariuk: