ilinniarneq peqqinnartoq

GUX-imi timersornermut sammivik nuannarineqarluartoq

Timersortartut 48-t GUX-imi Timersornermik Ilinniakkamut 2016-imi qinnuteqarsimapput. 28-t ilinnialernissamut akuerisaasimapput

Ilinniarnissamut periarfissaq nutaaq pikkorivissortunik timersortartoqalernissamut suliniummut ilaavoq

GUX-imi ilinniakkap sammivianut timersornermut aggustimi aallartittussamut qinnuteqartut 48-nik amerlassuseqarput.

28-t akuerisaapput maannalu ukiuni sisamani ilinniarnertuunngornialissallutik, pikkorinnerit akornanni timersornermik aallussinissamut inissaqartitsisumik.

Piumasaqaatit amerlanerusut
GUX Nuuk aallaqqaammut ilinniartut ilinniarnertuunngornialernissamut piumasaqaatinik naammassinnissimanerannik naliliissaaq.

Tulliatut Elite Sport Greenland aamma Kalaallit Nunaanni Timersoqatigiit Kattuffiat timersornikkut angusanik naliliissapput.

– Timersortartunik pikkorinnerpaanik tigusissaagut. Kisianni periarfissanik takusaqarsinnaatilluta utaqqisuniinnissamut neqerooruteqarpugut. Ukiup ingerlanerani kingusinnerusukkut isersinnaanissamut periarfissaqarluarpoq, timersortartut pikkorissut allamik neqeroorfigineqarsinnaasarmata, assersuutigallugu Danmarkimi timersoqatigiiffiit aqqutigalugit, Elite Sport Greenlandimi aamma Kalaallit Nunaanni Timersoqatigiit Kattuffianni pikkorinnerpaanut siunnersorti, Tupaarnaq Kreutzmann oqarpoq.

Ilinniarneq pillugu Sermitsiaq uge 32-imi ilanngussami periarfissat atuakkit. Aviisi uani linki aqqutigalugu aamma pisiarisinnaavat

Powered by Labrador CMS