Oqaatsit
GUX-imi oqaatsit teknologiilu pillugit workshoperneq
Oqaasileriffik qaammatip tulliani Nunatsinni ilinniarnertuunngorniarfinni tamani workshopertitsissaaq
Oqaasileriffik, Copenhagen Business School aamma Namminersorlutik Oqartussat ilinniartitaanermut naalakkersuisoqarfia suleqatigiillutik ilinniarnertuunngorniarfinni sisamani, Sisimiuni, Aasianni, Qaqortumi Nuummiittumilu workshopit ingerlanniarpaat.
- Tassani siunertaavoq inuusuttut oqaasilerinermik teknologiimillu sammisaqarnermik misilittagaqalaalernissaat, Oqaasileriffik tusagassiuutinut nalunaarummi allappoq.
Workshopini ilaatigut sammineqarsinnaasut tassaapput nammineq nipi atorlugu qarasaasiakkut atuffassissusiorneq periarfissaassaaq.
- Qaraasaasiakkut pinnguaatilerineq atorlugu oqaatsinik ilinniarneq imaluunniit oqaatsit assigiinngitsut katersukkat malillugit suliffeqarfinnik atuisut isumaannik misissuineq, Oqaasileriffik ilisimatitsivoq.
Ataani takuneqarsinnaavoq Ilinniarnertuunngorniarfinni assigiinngitsuni ulluni sorlerni workshopit ingerlanneqassanersut:
- Sisimiut GUX: apriilip arfineq-aappaanni
- GU Aasiaat: apriilip qulinganni
- Campus Kujalleq: apriilip 15-ianni
- GU Nuuk: apriilip 18-ianni