Assammik arsarluni VM
Gudmundsson: Pitsanngoraluttuinnarpugut
Nunanut allanut unammisartut sungiusaasuata Gudmundur Gudmundssonip qallunaat Islandimut Qatarimi ajugaanerat iluarisimaarpaa
Annonse
Qallunaat nunanut allanut unammisartut sungiusaasuata, Gudmundur Gudmundssonip, nunarsuarmi assammik arsartartut pissartaat spaniamiut, pingasunngornermi kvartfinalimi assammik arsarluni VM-ertoqarnerani naapilerunikkit unamminartuunissaa naatsorsuutigaa.
Kisianni aamma Gudmundsson Islandimut 30-25-imik ataasinngornermi ajugaareernerminni isumalluarpoq.
- Naapinnissaat unamminassaaq. Tunesiamut unammimmata takuakka, unammilluaqaallu.
- Iligiilluarput, kisianni aamma uagut taamaappugut. Qilanaarpunga.
Qallunaat unamminsartui Qatarimi aallartinnerlioraluarlutik, unammisartut Islandimut ajugaanerminni takutitsilluarput.