Champions League
Guardiola: Marlunngorpat pitsaanerussaagut
Naak arsaanneq pitsaasumik ingerlanneqaraluartoq isertitseriarnerit amerlanerusariaqarsimagaluartut, Josep Guardiola Champions Leaguemi unammereernermi oqarpoq
Annonse
Bayern Münchenip unamminermi arsaq paarinerujussuugaluarpaat, kisiannili Real Madrid 1-0-mik ajugaapput.
Bayern Münchenip finaalimut ingerlaqqinnissaa qularnarsivoq, sungiusaasullu Josep Guardiolap aamma arsaannerup inernera naammagisimaanngilaa.
- Angusaq nuannaarutigisinnaanngilarput, arsaattukkali arsaalluaraluaqaat, 'Pep' Guardiola Ritzauimut oqarpoq.
Suli Bayern München marlunngorpat unammeqqinnermi pitsaanerussasut sungiusaasoq oqarpoq.
- Nukigut tamaasa unamminermi tulliuttumi atussavagut. Aamma sukkanerusumik arsaatissaagut, Fc Barcelonami arsaattartuunikoq Guardiola unnersiorpoq.